وزبەكستانداعى ەڭ بيىك عيماراتتىڭ قۇرىلىسى اياقتالدى
بۇكىل تاشكەنت كورىنەتىن مەيرامحانا، ليۋكس پاتەرلەرى مەن تۇرعىندارعا ارنالعان 33 قوعامدىق اۋماقتان تۇراتىن وزبەكستانداعى ەڭ بيىك ءزاۋلىم عيمارات Nest One قوناقتار ءۇشىن ەسىگىن ايقارا اشتى.
Kazinform بۇل تۋرالى Kun.uz سايتىنا سىلتەمە جاساپ حابارلايدى.
Nest One كەشەنى جەكە ەكوجۇيە رەتىندە جوبالانعان جانە پرەميۋم- كلاسس پاتەرلەرىن، كەڭسەلەردى جانە قالانىڭ كەرەمەت كورىنىسى بار 33 قوعامدىق اۋماقتى قامتيدى: دۇكەندەر، مەيرامحانالار، بالالار ويىن الاڭدارى، قىسقى باق، دەمالىس جانە سپورت الاڭدارى.
وزبەكستانداعى ءبىرىنشى ءزاۋلىم عيماراتتىڭ بيىكتىگى 267 مەتر جانە ەلۋدەن استام قاباتى بار. عيمارات قۇرىلىسىنا 27000 توننا تەمىر، 150000 توننا بەتون جۇمسالعان. عيمارات مىڭنان استام ادامنىڭ ەڭبەگىمەن اياقتالدى.
ءزاۋلىم عيماراتتىڭ قۇرىلىسى 2019 -جىلى باستالعان. ول العاش رەت قولدانىلعان كوپتەگەن يننوۆاتسيالىق تۇجىرىمدامالاردى بىرىكتىرەدى جانە كۇردەلى ينجەنەرلىك ەسەپتەۋگە نەگىزدەلگەن. عيماراتتا ەڭ سوڭعى الەمدىك تەحنولوگيالار پايدالانىلعان جانە بۇگىنگى تاڭدا الەمدەگى ەڭ قاۋىپسىز ءزاۋلىم عيماراتتاردىڭ ءبىرى بولىپ سانالادى. ءورت قاۋىپسىزدىگى بارلىق حالىقارالىق ستاندارتتاردى ەسكەرە وتىرىپ جاسالعان.
Nest One - وزبەكستانداعى العاشقى ءزاۋلىم عيمارات ەلدەگى ەڭ بيىك تۇرعىن ءۇي بولدى. All Inclusive قىزمەتتەرى تۇجىرىمداماسى بويىنشا سالىنعان عيماراتتا بارلىعى 1029 پاتەر جانە 29 جوعارى جىلدامدىقتا تاسىمالدايتىن ليفت بار. 20 VIP پاتەر بۇلت استىندا، 41-50- قاباتتاردىڭ اراسىندا ورنالاسقان. ليۋكس دپارتامەنتتەردىڭ كوپشىلىگى قازىردىڭ وزىندە ساتىپ الىنعان.
اۆتور
جاراسقان نۇرىبايەۆ
