وزبەكستاندا تۇراقتى تۇرعىنداردىڭ سانى 37,5 ميلليوننان استى
تاشكەنت. KAZINFORM - وزبەكستاننىڭ ستاتيستيكا اگەنتتىگى ەلدىڭ تۇراقتى تۇرعىندارىنىڭ سانىن جاريالادى، دەپ حابارلايدى Kazinform اگەنتتىكتىڭ رەسمي Telegram-ارناسىنا سىلتەمە جاساپ.
ستاتيستيكا اگەنتتىگىنىڭ مالىمەتى بويىنشا، 2025 -جىلدىڭ 1- قاڭتارىنداعى جاعداي بويىنشا وزبەكستاننىڭ تۇراقتى تۇرعىندارىنىڭ سانى 37543167 ادامعا جەتتى.
بۇل كورسەتكىش 2025 -جىلدىڭ 20 - قاڭتارىندا 37576214 ادامدى قۇرادى.
سونىڭ ىشىندە:
ايەلدەر سانى - 18,6 ميلليون
ەرلەر سانى - 18,9 ميلليون
ەسكە سالا كەتەيىك، 28 - قاراشادا وزبەكستاننىڭ تۇراقتى تۇرعىندارىنىڭ سانى 37506692 ادامدى قۇراعان بولاتىن. سونداي- اق 2025 -جىلى وزبەكستان ۇكىمەتى 5,2 ميلليون ادامدى جۇمىسپەن قامتۋدى جوسپارلاپ وتىرعانىن حابارلاعان ەدىك. بۇل تۋرالى ەل پرەزيدەنتى شاۆكات ميرزيەيەۆتىڭ توراعالىعىمەن وتكەن كەڭەستە ءمالىم بولدى.
