وزبەكستاندا مەشىتتە جويقىن جارىلىس بولىپ، ءۇش ادام قازا تاپتى
استانا. KAZINFORM - بۇگىن، 31- ناۋرىز كۇنى ساعات 12:19-دا وزبەكستاننىڭ ءاندىجان وبلىسى، ءىزباسقان اۋدانىنداعى مەشىت اۋماعىنداعى دارەتحانادا گاز- اۋا قوسپاسىنان جويقىن جارىلىس بولدى. بۇل تۋرالى ەلدىڭ توتەنشە جاعدايلار مينيسترلىگى حابارلادى.
حاباردا وقيعا ورنىنا بىردەن ەكى قۇتقارۋ توبى مەن ەكى ءورت ءسوندىرۋ جانە قۇتقارۋ بريگاداسى جەتكەنى ايتىلعان.
دارەتحانانىڭ قابىرعاسى مەن شاتىرىنىڭ قۇرىلىمدارىنا زاقىم كەلگەن، ءبىراق ءورت شىقپاعان.
جارىلىس سالدارىنان 3 ادام قازا تاۋىپ، 10 ادام جارالانىپ، اۋرۋحاناعا جەتكىزىلگەن.
قازىر بۇل وقيعاعا قاتىستى الدىن الا تەرگەۋ امالدارى جۇرگىزىلىپ جاتىر، دەپ قوستى ۆەدومستۆو.
