وزبەكستان يادرولىق وتىن قالدىعىن سالىناتىن ا ە س- ءتىڭ اۋماعىندا ساقتاماق

Uzatom اگەنتتىگىنىڭ ديرەكتورى ازيم احمەدحادجايەۆ اتاپ وتكەندەي، پايدالانىلعان يادرولىق وتىن جانە راديواكتيۆتى قالدىقتارمەن جۇمىس ىستەۋ كەزىندەگى قاۋىپسىزدىكتى ساقتاۋ كونۆەنسياسىنا ساي، اقىرعى جاۋاپكەرشىلىك مەملەكەتكە جۇكتەلەدى.

- نەگىزگى ماقسات - ادام ءومىرى مەن دەنساۋلىعىن، جەكە جانە زاڭدى تۇلعالاردىڭ مۇلكىن قورعاۋ، سونداي-اق ماتەريالدىڭ زياندى اسەرىنىڭ قورشاعان ورتاعا تيگىزەتىن زالالىن جويۋ. سوندىقتان باستاپقى كەزەڭدە بارلىق تالاپ پەن ەرەجەنى مۇلتىكسىز ورىنداي وتىرىپ، پايدالانىلعان يادرولىق وتىن جانە راديواكتيۆتى قالدىقتاردى اتوم ەلەكتر ستانسياسىنىڭ الاڭىندا ۋاقىتشا ساقتاۋ جوسپارلانىپ وتىر، - دەپ جاۋاپ قاتتى ازيم احمەدحادجايەۆ Kazinform ءتىلشىسىنىڭ ساۋالىنا.

سونىمەن قاتار سپيكەر ورتالىق ازيا ەلدەرى اراسىنداعى اتوم ەنەرگەتيكاسىن دامىتۋ بويىنشا ىنتىماقتاستىقتى نىعايتۋدىڭ ماڭىزدىلىعىنا توقتالدى.

- ءبىزدىڭ مەملەكەتىمىزدىڭ سىرتقى ساياساتى ورتالىق ازيا ەلدەرىمەن تاتۋ كورشىلىك بايلانىستاردى تەرەڭدەتۋگە باعىتتالعان. ءبىز اتوم ەنەرگياسىن بەيبىت ماقساتتا پايدالانۋ جونىندەگى كوميسسيانىڭ باعدارلاماسى اياسىندا ت م د مەملەكەتتەرىمەن ىنتىماقتاستىقتى نىعايتۋعا اسا ماڭىز بەرەمىز، - دەپ تۇيىندەدى ازيم احمەدحادجايەۆ.

اگەنتتىك ديرەكتورىنىڭ ايتۋىنشا، وزبەك تاراپى سالىناتىن اتوم ەلەكتر ستانسياسىنا قاجەتتى يادرولىق وتىندى ەلدە وندىرىلەتىن تابيعي ۋراننان الۋ مۇمكىندىگىن زەردەلەپ جاتىر.

ەسكە سالايىق، وزبەكستاندا ا ە س سالۋ ءۇشىن حالىقارالىق كونسورتسيۋم قۇرىلادى.

رەسەيلىك تەحنولوگيا بويىنشا وڭىردەگى العاشقى از قۋاتتى اتوم ەلەكتر ستانسياسى سالىنادى. ءارقايسىسىنىڭ قۋاتى 55 م ۆ ت بولاتىن 6 رەاكتور (جالپى قۋاتى - 330 مۆت) دجيزاك وبلىسىنداعى تۋزكان كولىندە بوي كوتەرەدى. ا ە س- ءتىڭ العاشقى رەاكتورى 2029 -جىلدىڭ سوڭىندا ىسكە قوسىلماق. ال ول تولىق قۋاتتا 2033 -جىلدان باستاپ جۇمىس ىستەيدى دەپ جوسپارلانعان.

وسىعان ساي، تاياۋدا وزبەكستان مەن رەسەي ا ە س سالۋ كەلىسىمشارتىنىڭ كۇشىنە ەنۋ حاتتاماسىنا قول قويدى.

اۆتور

ءاليحان اسقار

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى