وزبەكستان ورتالىق بانكى ەسكى ۇلگىدەگى 100 دوللارلىق كۋپيۋراعا قاتىستى مالىمدەمە جاسادى
تاشكەنت. KAZINFORM - وزبەكستان رەسپۋبليكاسىنىڭ ورتالىق بانكى قازىرگى تاڭدا مەملەكەت اۋماعىندا بانكتەردىڭ ەسكى ۇلگىدەگى 100 ا ق ش دوللارى بانكنوتتارىن (2009 -جىلعا دەيىن شىعارىلعان) ساتۋ- ساتىپ الۋ وپەراتسيالارى ەش قيىندىقسىز جۇرگىزىلىپ جاتقانىن مالىمدەدى، دەپ حابارلايدى Kazinform ءتىلشىسى UzA عا سىلتەمە جاساپ.
سونداي-اق، بانك ەسكى ۇلگىدەگى 100 دوللارلىق بانكنوتتاردىڭ ەشبىر مەملەكەت شوتىنداعى زاڭدى تولەم قۇرالى رەتىندەگى مارتەبەسى وزگەرمەگەنىن مالىمدەدى.
وزبەكستان ورتالىق بانكى حالىقتى جانە كاسىپكەرلىك سۋبەكتىلەرىن الەۋمەتتىك جەلىلەردە تاراپ جاتقان تەكسەرىلمەگەن اقپاراتقا سەنبەۋگە جانە تەك رەسمي دەرەككوزدەرگە سەنۋگە شاقىرادى.
سونداي-اق، كوممەرتسيالىق بانكتەردىڭ ۆاليۋتا ايىرباستاۋ پۋنكتتەرىندە ەسكى ۇلگىدەگى 100 ا ق ش دوللارى بانكنوتتارىن قابىلداۋ كەزىندە قيىندىقتار تۋىنداسا، ورتالىق بانكتىڭ «جەدەل جەلى» بايلانىس نومىرىنە (712000044) نەمەسە ايماقتىق بولىمشەلەرىنە حابارلاسۋعا بولاتىنى ايتىلعان.
ءوز كەزەگىندە وزبەكستان ورتالىق بانكى وسىعان بايلانىستى جاعدايدى ۇنەمى قاداعالاپ وتىرعانىن ايتادى.
سونىمەن قاتار، وزبەكستان رەسپۋبليكاسىنىڭ «ۆاليۋتالىق رەتتەۋ تۋرالى» زاڭىنا سايكەس، رەزيدەنتتەر مەن بەيرەزيدەنتتەردىڭ مەملەكەت اۋماعىندا شەتەل ۆاليۋتاسىن ساتىپ الۋ جانە ساتۋى تەك جەرگىلىكتى بانكتەر ارقىلى جۇزەگە اساتىنىن ەسكەرتەدى.
ەسكە سالا كەتەيىك، وزبەكستانعا اقشا اۋدارىمدارى وتكەن جىلمەن سالىستىرعاندا %34 عا وسكەنى جايلى جازعان ەدىك.
