وزبەكستان حالقىنا اۋا لاستاناتىنى ەسكەرتىلەتىن بولادى
استانا. KAZINFORM - وزبەكستان 1- ناۋرىزدان باستاپ شاڭدى داۋىل تۇرىپ، اتموسفەرالىق اۋاداعى ۇساق ديسپەرستى بولشەكتەر بەلگىلەنگەن نورماسىنان اسىپ كەتكەن جاعدايدا حالىقتى حاباردار ەتەتىن بولادى، دەپ جازادى Uza.
بۇل وزبەكستان پرەزيدەنتى شاۆكات ميرزيەيەۆتىڭ 2024-جىلدىڭ 21- اقپانىنداعى «وزبەكستان-2030» ستراتەگياسىن جۇزەگە اسىرۋدىڭ مەملەكەتتىك باعدارلاماسىن بەكىتكەن جارلىعىندا كوزدەلگەن.
وسى كۇننەن باستاپ جۇرەك-قان تامىرلارى جانە تىنىس الۋ جولدارى اۋرۋلارىمەن اۋىراتىن ادامدارعا، سونداي-اق دەنساۋلىعى اۋانىڭ لاستانۋىنا سەزىمتالدىعى جوعارى باسقا دا ازاماتتارعا قاجەتتى پروفيلاكتيكالىق ءىس-شارالار تۋرالى جۇيەلى تۇردە اقپارات بەرىلۋى ءتيىس.
جارلىقتا، سونداي-اق، 1- ناۋرىزدان باستاپ 500 شارشى مەتر جانە ودان دا كوپ قۇرىلىس الاڭدارىندا شاڭ مەن قۇم بولشەكتەرىنىڭ اۋاعا كوتەرىلۋىنە جول بەرمەۋ بويىنشا مىندەتتى تالاپتار ەنگىزۋ كوزدەلگەن.
