وزبەكستان ۋگاندامەن ديپلوماتيالىق قارىم-قاتىناس ورناتتى
تاشكەنت. KAZINFORM - وزبەكستان مەن ۋگاندا اراسىندا ديپلوماتيالىق قارىم-قاتىناس ورنادى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
18- قاڭتاردا ۋگاندانىڭ استاناسى كامپالا قالاسىندا وزبەكستان سىرتقى ىستەر ءمينيسترىنىڭ ءبىرىنشى ورىنباسارى باحرومجون الويەۆ پەن ۋگاندا سىرتقى ىستەر ءمينيسترى دجەدجە ودونگو ديپلوماتيالىق قارىم-قاتىناس ورناتۋ تۋرالى بىرلەسكەن كومميۋنيكەگە قول قويدى.
وزبەكستاننىڭ سىرتقى ىستەر مينيسترلىگىنەن مالىمدەگەندەي، كەزدەسۋ بارىسىندا تاراپتار ساياسي، ساۋدا-ەكونوميكالىق، مادەني-گۋمانيتارلىق جانە باسقا دا سالالاردا ءوزارا تىعىز ىنتىماقتاستىق ورناتۋعا دايىن ەكەندىكتەرىن ءبىلدىردى.
وسىلايشا، ۋگاندا وزبەكستانمەن ديپلوماتيالىق قارىم-قاتىناس ورناتقان 145- ەل بولدى.
ەسكە سالا كەتەيىك، بۇعان دەيىن وزبەكستان ترينيداد جانە توباگومەن وسىنداي كەلىسىمگە كەلىپ، بىرلەسكەن كومميۋنيكەگە قول قويعان ەدى.
