وپىرىلعان اقبيكەش مۇناراسىن تەكسەرەتىن جۇمىس توبى قۇرىلدى

ونىڭ ايتۋىنشا، وپىرىلىپ قۇلاعان اقبيكەش مۇناراسىنىڭ ءبىر بولىگى ەمەس، 2021 -جىلى جۇرگىزىلگەن كەسەنەنى جاڭعىرتۋ جۇمىستارى اياسىندا پايدالانىلعان ماتەريالدار.

- 2021 -جىلى عىلىمي- رەستاۆراتسيا شەڭبەرىندە جەرگىلىكتى حالىقتىڭ، اكىمدىكتىڭ ۇسىنىسىنا ساي ونىڭ تاريحي كەلبەتىن جاڭعىرتۋ جۇمىسى جۇرگىزىلگەن. بۇل ءىس اكىمدىكتىڭ شۇعىل ۇسىنىسىنا ساي قولعا الىندى، ويتكەنى نىساننىڭ جاعدايى مۇشكىل ەدى. ەسكەرتكىشتەگى جۇمىس جىلدىڭ سۋىق مەرزىمىنە تۇسپا-تۇس كەلدى. سونىمەن قاتار، كەسەنەنىڭ ورنالاسقان ورنى دا (بيىك قىردىڭ باسىندا) كۇننىڭ سۋىعىندا جۇرگىزىلگەن جۇمىسقا قولايلى بولمادى. جۇرگىزىلگەن عىلىمي-رەستاۆراتسيالىق جۇمىس سول جىلى ازىرلەنگەن عىلىمي- جوبالاۋ قۇجاتتاماسىنا سايكەس جۇرگىزىلگەنمەن، قولايسىز اۋا رايى كەرى اسەرىن تيگىزدى، - دەلىنگەن ايدىن قاپاشيەۆ ۇسىنعان اقپاراتتا.

كوميتەت ءتوراعاسىنىڭ ورىنباسارى مينيسترلىكتىڭ 2025 -جىلعى 10- اقپانداعى بۇيرىعىمەن اقسۇمبەدەگى جاعدايعا قاتىستى تەكسەرۋ توبى قۇرىلعانىن جەتكىزدى.

اتالعان جۇمىس توبى ەسكەرتكىشتىڭ جاعدايىن، سونىمەن قاتار قۇلاۋ فاكتىسىن تياناقتى زەردەلەيتىن بولادى.

- الداعى ۋاقىتتا اقبيكەش ەسكەرتكىشىن رەستاۆراتسيالاۋ، كونسەرۆاتسيالاۋ مۇمكىندىكتەرى قاراستىرىلادى. جۇمىستىڭ رەتى عىلىمي- جوبالاۋ قۇجاتتاماسىمەن ايقىندالادى. مۇنارا 2021 -جىلعى عىلىمي- رەستاۆراتسيالىق جۇمىستارعا دەيىن بيىكتىگى 5-6 مەترگە دەيىن ساقتالعان وبەكت. اقسۇمبە مۇناراسى قۇرىلىس ماتەريالى جاعىنان توپىراقتان جاسالۋىمەن ەرەكشەلەنەدى. 7-8 عاسىر بويعى ەكولوگيالىق، كليماتتىق، انتروپوگەندىك اسەردى دە ەسكەرۋ قاجەت. سونىمەن قاتار، توپىراقتان جاسالعان وبەكتىنىڭ كۇيگەن كىرپىشتەن نەمەسە تاستان تۇرعىزىلعان ەسكەرتكىشتەرگە قاراعاندا سىرت اسەرلەرگە توتەپ بەرۋ دەڭگەيى تومەن ەكەنى انىق. اقسۇمبە مۇناراسى كونە زاماننىڭ ەرەكشە ساۋلەتتىك ونەرىنىڭ ۇلگىسى جانە وسى ورايدا مۇمكىندىگىنشە ونى ساقتاپ قالۋ شارالارى جۇرگىزىلەتىن بولادى، - دەلىنگەن مادەنيەت كوميتەتىنىڭ اقپاراتىندا.

سونداي-اق، كوميتەتى ءتوراعاسىنىڭ ورىنباسارى رەسپۋبليكالىق ماڭىزى بار تاريح جانە مادەنيەت ەسكەرتكىشتەرى قاتارىندا قۇلاۋعا ءازىر تۇر دەگەن وبەكتىلەر جوق ەكەندىگىن مالىمدەدى.

- مينيسترلىكتىڭ اكىمشىلىگىندەگى ارنايى بيۋدجەتتىك باعدارلاما اياسىندا تۇركىستان وبلىسىندا ورنالاسقان تاريحي- مادەني مۇرا وبەكتىلەرىندەگى ساقتاۋ جۇمىستارىنا ايتارلىقتاي نازار اۋدارىلادى. مۇنىڭ ءبىر سەبەبى - وبلىستا رەسپۋبليكالىق تاريح جانە مادەنيەت ەسكەرتكىشتەرىنىڭ سانى وزگە وڭىرلەرگە قاراعاندا باسىم. تەك سوڭعى جىلدارى تۇركىستان وبلىسىندا رابيا سۇلتان بەگىم، شىعىس مونشاسى، شامەت يشان، ىسقاق باب، يسمايل اتا، قاراشاش انا، يبراگيم اتا جانە باسقا ەسكەرتكىشتەردە عىلىمي- رەستاۆراتسيالىق جۇمىستار جۇرگىزىلدى، - دەيدى ۆەدومستۆودان.

ايتا كەتەيىك، بۇدان بۇرىن تۇركىستان وبلىسى سوزاق اۋدانىنىڭ اقسۇمبە اۋىلىندا ورنالاسقان اقبيكەش مۇناراسىنىڭ ءبىر بولىگى قۇلاپ قالعانىن جازعان بولاتىنبىز.

اۆتور

قايرات زاينيشيەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى