وڭىرلىك يپوتەكانى سۋبسيديالاۋدى ىسكە قوسۋ قاجەت - ساراپشى پىكىرى
استانا. KAZINFORM - وڭىرىلك يپوتەكانى سۋبسيديالاۋ تەتىگىن ىسكە قوسۋعا بولادى. مۇنداي پىكىردى قازاقستان ريەلتورلارى بىرلەسكەن قاۋىمداستىعى پرەزيدەنتىنىڭ كەڭەسشىسى نينا لۋكيانەنكو ءبىلدىردى.
«باسپانا باعاسى سۇرانىستىڭ تولەم قابىلەتى مەن ۇسىنىستىڭ ىقپالىمەن قالىپتاسادى. مەملەكەتتىڭ قانداي دا ءبىر زايمدى سۋبسيديالاۋ جانە باسقا دا تاسىلدەرمەن نارىققا ارالاسۋىن جاقتامايمىن. نارىق ەركىن بولۋى ءتيىس. سوندا ول وزدىگىنەن-اق ءبىرقالىپتى رەتتەلەدى. بارلىعى دا پاتەردىڭ وتە قىمبات ەكەندىگىن ايتادى. بۇل الەمدەگى ەڭ قىمبات تاۋار سانالادى»، - دەدى ساراپشى اگەنتتىك تىلشىسىنە بەرگەن سۇحباتىندا.
وسى ورايدا ول قالالارداعى ينجەنەرلىك جەلىلەردىڭ شامامەن تىس جۇكتەلۋى بۇگىنگى كۇننىڭ وزەكتى ماسەلەسىنە اينالعانىن ايتادى.
«ءىرى قالالارداعى ينجەنەرلىك جەلىلەرگە جۇكتەمەنىڭ ارتۋى سونشالىقتى، ءتىپتى جاڭا نىسانداردى پايدالانۋعا بەرۋدە ماسەلە تۋىندايدى. جەلىلەرگە جۇكتەمەنى اقىلعا قونىمدى ەسەپتەگەن ءجون. دەمەك، حالىق سانى ارتقاندا، قۇرىلىس كولەمى جەتكىلىكسىز بولعاندا شارشى مەترگە سۇرانىس ساقتالادى. ءدال وسى جايت ءوسىمنىڭ العىشارتى سانالادى. ميلليونداعان تۇرعىنى بار قالالاردى عانا ەمەس، وزگە دە ءوڭىردى دامىتۋ ءۇشىن كورشىلەردىڭ تاجىريبەسىن ۇيرەنۋ، ياعني وڭىرلىك يپوتەكانى سۋبسيديالاۋدى ىسكە قوسۋ قاجەت شىعار»، - دەدى نينا لۋكيانەنكو.
