وڭىرلەردە ۆولونتەرلەردى وقىتاتىن رەسپۋبليكالىق سەمينار باستالدى
استانا. KAZINFORM - وڭىرلىك فرونت-وفيستەر ۆولونتەرى مەن امباسسادور-وكىلدەرىن وقىتۋعا جانە بىلىكتىلىگىن ارتتىرۋعا باعىتتالعان رەسپۋبليكالىق سەمينارعا ەلىمىزدىڭ بارلىق ايماعىنان 60 ۆولونتەر قاتىستى.
ءىس-شارانى ق ر مادەنيەت جانە اقپارات مينيسترلىگىنىڭ تاپسىرىسى بويىنشا ۇلتتىق ۆولونتەرلىك جەلىسى ۇيىمداستىردى.
ەكى كۇن ىشىندە سەمينارعا قاتىسۋشىلار ۆولونتەرلىك سالادا ءتيىمدى جۇمىس ىستەۋ ءۇشىن قاجەتتى ءبىلىم مەن تاجىريبەلى داعدىلارمەن جانە 2024-2026 -جىلدارعا ارنالعان جول كارتاسىنىڭ ستراتەگيالىق ماقسات- مىندەتتەرىمەن، سونىمەن قاتار وڭىرلىك فرونت-وفيستەردىڭ جۇمىسىن ۇيلەستىرەتىن ادىستەمەلىك ۇسىنىمدارمەن تانىستى.
«ۆوركشوپتار مەن سەكسيالار ارقىلى قاتىسۋشىلار جەرگىلىكتى جەرلەردە ۆولونتەرلىكتى قولداۋ جانە دامىتۋ ستراتەگيالارىن ازىرلەۋ، سونداي-اق ۇزدىك وڭىرلىك تاجىريبەلەردى ىسكە اسىرۋ داعدىلارىن مەڭگەرەدى. ۆولونتەرلىك امباسسادور- وكىلدەر وزدەرىنىڭ رولدەرى مەن وڭىرلىك فرونت-وفيستەرمەن ءوزارا بايلانىس ادىستەرىن تەرەڭ تۇسىنۋگە مۇمكىندىك الادى»، - دەپ اتاپ ءوتتى ق ر م ا م ازاماتتىق قوعام ىستەرى كوميتەتى ءتوراعاسىنىڭ ورىنباسارى ەلدار ساپاروۆ.
سەمينار قاتىسۋشىلاردىڭ ۆولونتەرلىك قوزعالىس پەن الەۋمەتتىك بەلسەندىلىگىن دامىتۋعا ىقپال ەتە وتىرىپ، العان بىلىمدەرىن كۇندەلىكتى قىزمەتىندە قولدانۋعا مۇمكىندىك بەرەدى. وقۋدان سوڭ قول جەتكىزىلگەن ناتيجەلەرگە تالداۋ جاسالادى.
اۆتور
ەربول جانات
