وڭتۇستىك كورەيادا جۇمىس ىستەگىسى كەلەتىن قازاقستاندىقتارعا جاڭا تالاپ قويىلادى

بۇگىندە قازاقستان ازاماتتارىن وڭتۇستىك كورەيادا زاڭدى تۇردە جۇمىس ىستەۋگە مۇمكىندىك بەرەتىن جۇيەگە ەنگىزۋ بويىنشا ءتيىستى شارالار قابىلدانىپ جاتىر.

وسىعان بايلانىستى بيىل قاڭتاردان باستاپ ساپار ورتالىعىن اشۋ جۇمىسى باستالدى. مۇندا كورەيادا زاڭدى تۇردە جۇمىس ىستەگىسى كەلەتىن قازاقستاندىقتار وقيتىن بولادى.

«ورتالىقتىڭ نەگىزگى مىندەتى - وڭتۇستىك كورەيادا جۇمىسقا ورنالاسقىسى كەلەتىن ۇمىتكەرلەرگە تىلدىك كۋرستاردى وقىتۋ، كورەي ءتىلىنىڭ تەستىلەۋى، بىلىكتىلىگىن ارتتىرۋ. جوبانى ىسكە اسىرۋ قازاقستاندىقتارعا ولاردىڭ الەۋمەتتىك جانە ەڭبەك قۇقىعىن قورعاۋعا كەپىلدىك بەرىپ، وڭتۇستىك كورەيادا 3 جىلعا دەيىن زاڭدى تۇردە جۇمىس ىستەۋگە مۇمكىندىك بەرەدى»، - دەدى اسقاربەك ەرتايەۆ و ق ك- دا وتكەن باسپا ءسوز ءماسليحاتىندا.

جاڭا تەستىلەۋ ورتالىعى الماتىداعى ءال-فارابي اتىنداعى قازاق ۇلتتىق ۋنيۆەرسيتەتىنىڭ بازاسىندا اشىلادى.

«بۇل مەكەمەدە قاجەت ماتەريالدىق-تەحنيكالىق بازاسى، وقۋ اۋديتورياسى بار. زامانعا ساي قۇرالدارمەن جابدىقتالعان. تەستىلەۋ ورتالىعىندا 500 دەن اسا كومپيۋتەر ورنى بار. قازاقستان ازاماتتارىن قونايەۆ اتىنداعى كوپبەيىندى كوللەدجىندە وقىتۋ كوزدەلىپ وتىر. ولار وڭتۇستىك كورەياعا بارماس بۇرىن وسىندا وقيدى. مۇندا ءبىلىم الۋشىلار ءۇشىن 500 ورىندىق جاتاقحانا دا قاراستىرىلعان. ولار مەديتسينالىق تەكسەرىستەن وتۋگە مىندەتتى بولادى»، - دەدى كوميتەت ءتوراعاسى.

قازاقستان كورەياعا ءوز ۇسىنىستارىن جىبەرگەن.

«كەلەسى اپتادا ولارمەن تەحنيكالىق كەلىسسوز جۇرگىزەمىز. جالپى الگوريتم مىناداي: ءبىزدىڭ ۇسىنىستاردى وڭتۇستىك كورەياداعى بارلىق مۇددەلى مەملەكەتتىك ورگان قاراپ تالدايدى. وسىدان كەيىن قازاقستان ەڭبەك ادامدارىن ەكسپورتتايتىن كورەيانىڭ جۇيەسىنە ەنگىزىلەدى. قازىر ول جۇيەدە 16 ەل بار. باسقا دا مەملەكەتتەر ءوتىنىم بەرىپ جاتىر. ءبىر جىل ىشىندە ماسەلە شەشىلۋى كەرەك. مەرزىمدى وڭتۇستىك كورەيا بەلگىلەيدى. بۇل باعىتتا جۇمىس جۇرگىزىلىپ جاتىر»، - دەدى اسقاربەك ەرتايەۆ.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى