وڭتۇستىك كورەيا پرەزيدەنتىنىڭ يمپيچمەنتىنەن كەيىن سەۋلدە ميتينگ ءوتىپ جاتىر
استانا. KAZINFORM - وڭتۇستىك كورەيا پرەزيدەنتىنىڭ جاقتاستارى ونىڭ يمپيچمەنتىنەن كەيىن سەۋلدە ميتينگ ۇيىمداستىردى، دەپ حابارلايدى Yonhap.
وڭتۇستىك كورەيانىڭ بۇرىنعى پرەزيدەنتى يۋن سوك ەلدىڭ جاقتاستارى سەنبىدە سەۋلدىڭ ورتالىعىنداعى كۆانحۆامۋن اۋدانىندا ميتينگكە شىقتى. وسىلايشا مىڭداعان ادامنان قۇرالعان كونسەرۆاتيۆتى توپ كونستيتۋتسيالىق سوتتىڭ پرەزيدەنتتى قىزمەتىنەن الىپ تاستاۋ تۋرالى شەشىمىنە نارازىلىق بىلدىرمەك بولدى.
نارازىلىق بىلدىرۋشىلەر «يمپيچمەنت - بۇل الاياقتىق» دەپ ۇرانداتىپ، كونستيتۋتسيالىق سوتتى تاراتۋدى تالاپ ەتىپ، «مەملەكەتكە قارسى كۇشتەردى جويۋعا» شاقىردى.
قاتىسۋشىلاردىڭ ءبىرى وڭتۇستىك كورەيا حالقى يۋن سوك ەل پرەزيدەنت قىزمەتىنەن بوساتىلعاننان كەيىن 60 كۇن ىشىندە وتەتىن كەزەكتەن تىس سايلاۋعا بويكوت جاريالاۋى كەرەك دەپ ەسەپتەيدى.
جەرگىلىكتى پوليتسيانىڭ مالىمەتىنشە، سەنبىدەگى نارازىلىق ميتينگىسىنە 18000 عا جۋىق ادام قاتىسقان.
ەسكە سالساق، 4-ساۋىردە وڭتۇستىك كورەيانىڭ كونستيتۋتسيالىق سوتى پرەزيدەنت يۋن سوك ەلعا يمپيچمەنت جاريالاۋ ءىسى بويىنشا شەشىم شىعارعانى بەلگىلى بولدى.
