وڭتۇستىك كورەيا عارىش اگەنتتىگىن اشادى
وڭتۇستىك كورەيانىڭ عىلىم مينيستىرلىگى مامىر ايىندا اەروعارىش باسقارماسىن قۇرۋعا نيەتتى ەكەنىن مالىمدەدى.
Kazinform بۇل تۋرالى Yonhap اقپارات اگەنتتىگىنە سىلتەمە جاساپ حابارلايدى.
«وسى اپتادا ۇلتتىق جينالىس ءبىرقاتار زاڭ جوباسىن قابىلدادى، ولاردىڭ اراسىندا كورەيا اەروعارىش باسقارماسىن (KASA) ىسكە قوسۋعا قاتىستى زاڭ جوباسى دا بار.
KASA وڭتۇستىك كورەياعا «اەروعارىش سالاسىنا كومەكتەسە وتىرىپ، ءوسىمنىڭ جاڭا قوزعالتقىشىن تابۋعا كومەكتەسەدى»، - دەپ مالىمدەدى ەلدىڭ عىلىم ءمينيسترى لي چجون حو.
ول سونداي-اق KASA- نى قۇرۋ 2032-جىلى ايعا عارىش كەمەسىن ۇشىرۋ جانە 2045-جىلى مارستى زەرتتەۋدە «ۇلكەن قادام» ەكەنىن ايتتى.
KASA ەلدىڭ عارىشتىق باعدارلامالارىن، سونداي-اق اەروناۆتيكا جانە عارىشتى زەرتتەۋ، سونىڭ ىشىندە اي مەن مارستى زەرتتەۋ جوبالارىن باسقارۋعا جاۋاپتى بولادى.
