وتكەن جىلى قازاقستاندا قانشا مىڭ كيىك اتىلعانى بەلگىلى بولدى
استانا. KAZINFORM - قازىر ەلىمىزدە كيىك اتۋعا تىيىم سالىنعان.
«ەلىمىزدەگى كيىكتەردىڭ كوبەيۋىن رەتتەۋ ۇكىمەتتىڭ قاۋلىسىمەن بەكىتىلگەن. اتۋعا رۇقسات بەرۋدىڭ ەكى سەبەبى - ولاردىڭ سانىنىڭ كوبەيۋى جانە كيىكتەردەن اۋىل شارۋاشىلىعىنا كەلگەن زالال. 2023-جىلى ەل اۋماعىندا 42 مىڭ باس كيىك اتىلدى. بۇگىندە مەملەكەت باسشىسىنىڭ تاپسىرماسىنا سايكەس كيىكتەردى اتۋعا تىيىم سالىندى»، - دەدى ەكولوگيا جانە تابيعي رەسۋرستار ءمينيسترى ەرلان نىسانبايەۆ ءماجىلىس وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرە تۇرىپ.
ەسكە سالا كەتەيىك، ەلىمىزدە كيىكتەردى اتۋ باستالاتىنى بىلتىر بەلگىلى بولدى.
سونداي-اق ەرلان نىسانبايەۆ 2025-جىلى كيىك سانى 4,5 ميلليون باستان اساتىنىن ايتقان ەدى.
ودان بولەك قازاقستانداعى كيىكتەردىڭ پوپۋلياتسياسى توڭىرەگىندە تاۋەلسىز ەكولوگيالىق شولۋشى، جابايى تابيعات فوتوگرافى ساكەن دىلداحمەتپەن اڭگىمەلەسكەن ەدىك.
