وتكەن جىلى قانشا ەتنيكالىق قازاق قانداس مارتەبەسىن الدى

باسپا ءسوز قىزمەتىنىڭ مالىمەتتەرىنە قاراعاندا، وتكەن جىلى قازاقستانعا كەلگەن قانداستاردىڭ جارتىسى (50,3 پايىز) وزبەكستاننان، 21,5 پايىز - قىتايدان، 10,2 پايىز - موڭعوليادان، 9,2 پايىز - تۇرىكمەنستاننان، 6,8 پايىز - رەسەيدەن جانە 2 پايىز باسقا ەلدەردەن.

2024 -جىلعى 1-قانتارداعى جاعداي بويىنشا ەڭبەككە قابىلەتتى جاستاعى ەتنيكالىق قونىس اۋدارۋشىلار سانى 60,2 پايىزدى، ەڭبەككە قابىلەتتى جاستان كىشى 30,9 پايىزدى جانە زەينەتكەرلەر 8,9 پايىزدى قۇرايدى.

ەڭبەككە قابىلەتتى جاستاعى قانداستاردىڭ ىشىنەن ءبىلىم دەڭگەيى بويىنشا 15,3 پايىزى جوعارى ءبىلىمدى، 32,4 پايىزى ورتا كاسىبي ءبىلىمدى، 44,3 پايىزى جالپى ورتا ءبىلىمدى جانە 8,3 پايىزىنىڭ ءبىلىمى جوق.

قونىس اۋدارعان ەتنيكالىق قازاقتار رەسپۋبليكانىڭ ءتۇرلى وڭىرلەرىنە قونىستاندى.

سونىمەن بىرگە، قانداستاردى قونىستاندىرۋ ءۇشىن كەلەسىدەي ەڭبەك كۇشى تاپشى وڭىرلەر انىقتالدى: اقمولا، اباي، قوستاناي، پاۆلودار، شىعىس جانە سولتۇستىك قازاقستان وبلىستارى.

2024 -جىلعى 1-قاڭتارداعى جاعداي بويىنشا قونىستاندىرۋ وڭىرلەرىنە 2337 قانداس كوشىرىلدى، بۇل 2023 -جىلعا بەكىتىلگەن كۆوتاعا سايكەس كەلەدى.

جوعارىدا اتالعان وڭىرلەردە قونىستانعان قانداستارعا كوشۋگە سۋبسيديا تۇرىندە مەملەكەتتىك قولداۋ شارالارى ۇسىنىلادى - ءبىر مەزگىلدە وتاعاسىنا جانە وتباسىنىڭ ءاربىر مۇشەسىنە 70 ا ە ك (2023 -جىلى - 241,5 مىڭ تەڭگە) مولشەرىندە؛ تۇرعىن ءۇي جالداۋعا جانە كوممۋنالدىق قىزمەتتەرگە اقى تولەۋگە - ءبىر جىل ىشىندە 15 تەن 30 ا ە ك (2023 -جىلى - 51,7 دەن 103,5 مىڭ تەڭگەگە دەيىن) مولشەرىندە.

2023 -جىلى 2126 قانداسقا ءتۇرلى قولداۋ شارالارى كورسەتىلدى. اتاپ ايتقاندا، 735 ادام تۇراقتى جۇمىسقا ورنالاستىرىلدى، 2126 ادام ءبىرجولعى سۋبسيديا الدى، ال 694 قانداسقا تۇرعىن ءۇي شىعىندارى سۋبسيديالاندى.

سونىمەن قاتار ەرىكتى قونىس اۋدارۋدىڭ تيىمدىلىگىن ارتتىرۋ ماقساتىندا ازاماتتاردى سولتۇستىك وڭىرلەرگە قونىس اۋدارۋعا قاتىساتىن جۇمىس بەرۋشىلەردى قولداۋ بويىنشا ينستيتۋتسيونالدىق شارالار قابىلداندى. تۇرعىن ءۇي ساتىپ الۋ، سالۋ ءۇشىن نەمەسە يپوتەكالىق تۇرعىن ءۇي قارىزدارى بويىنشا باستاپقى جارنانىڭ ءبىر بولىگىن جابۋ ءۇشىن ەكونوميكالىق ۇتقىرلىق سەرتيفيكاتى تۇرعىن ءۇي قۇنىنىڭ 50 پايىزى نەمەسە ءبىر وتباسىنا 4 ميلليون تەڭگەگە دەيىن مولشەرىندە ءبىرجولعى وتەۋسىز جانە قايتارىمسىز نەگىزدە ەنگىزىلدى.

ەستەرىڭىزگە سالا كەتەيىك، وتكەن جىلى پيلوتتىق رەجيمدە قازاقستان ەلشىلىكتەرى ارقىلى «ءبىر تەرەزە» قاعيداتى بويىنشا قانداس مارتەبەسىن بەرۋ تەتىگى ىسكە اسىرىلدى. پيلوتتىق جوبا شەڭبەرىندە ەلىمىزگە بارۋ، جۇمىس ورنى، تۇرعىن ءۇي بەرۋ مۇمكىندىكتەرى تۋرالى ماسەلەنى شەشۋگە جانە رەسپۋبليكا اۋماعىنا كىرمەي-اق قانداس مارتەبەسىن الۋعا بولادى. بۇگىنگى تاڭدا ەتنيكالىق قازاقتاردان جاڭا فورماتتا 6203 ءوتىنىش قابىلداندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى