وتباسى بانكتىڭ تولەم قابىلدايتىن بارلىق تەرمينالى 2025 -جىلدان باستاپ جابىلادى
استانا. قازاقپارات - «وتباسى بانك» جاڭا جىلدان باستاپ تولەم قابىلدايتىن تەرمينالداردىڭ جۇمىسىن تولىعىمەن توقتاتىپ، جاڭا جۇيەگە كوشەدى، - دەپ حابارلايدى Massaget.kz.
بانكتىڭ باسپا ءسوز قىزمەتىنىڭ مالىمەتى بويىنشا تەرمينالداردىڭ جابىلۋى بانك قىزمەتىنىڭ تومەندەۋىنە اسەر ەتپەيدى. كەرىسىنشە، تۇتىنۋشىلارعا ءتيىمدى تولەم جاساۋ ءتاسىلى ۇسىنىلادى. 2025 -جىلدان باستاپ ازاماتتار بارلىق وپەراتسيانى ونلاين ورىنداي الادى.
«2025 -جىلدىڭ 1-قاڭتارىنان باستاپ بانكتىڭ بارلىق تەرمينالى تولىعىمەن جابىلادى. نەگە دەسەڭىزدەر، «وتباسى بانك» تولىعىمەن جاڭا سيفرلىق شەشىمدەرگە كوشىپ جاتىر. سىزگە ەندى بانككە كەلىپ، تولەم تەرمينالدارىن پايدالانۋدىڭ قاجەتى جوق. ءبىز سىزدەردىڭ ۋاقىتتارىڭىزدى ۇنەمدەپ، قىزمەت كورسەتۋ ساپاسىن ارتتىرۋ جولىندا جۇمىس ىستەپ جاتىرمىز»، - دەلىنگەن حابارلامادا.
ايتا كەتەيىك، «وتباسى بانكتىڭ» تەرمينالى جابىلعانىمەن، ەكىنشى دەڭگەيلى بانكتەردىڭ تەرمينالدارى جانە بانكوماتتارى، موبيلدى قوسىمشالارى، ينتەرنەت- بانكينگى جانە «قازپوشتا» بولىمشەلەرى ارقىلى دەپوزيتتەردى تولىقتىرىپ، نەسيە وتەۋگە بولادى.
