وتباسى بانكتىڭ باسقارما ءتوراعاسى «9-20-25» باعدارلاماسى جايلى پىكىر ءبىلدىردى
2024 -جىلى 9-20-29 يپوتەكالىق باعدارلاماسى ىسكە قوسىلۋى مۇمكىن. بۇل تۋرالى «وتباسى بانكى» ا ق باسقارما ءتوراعاسى ءلاززات يبراگيموۆا ايتتى، دەپ حابارلايدى Kazinform.
«بۇل باعدارلاما (9-20-25 يپوتەكالىق باعدارلاماسى) ءالى باستالماعان، ەشقانداي ليميتى دە جوق. باعدارلاما ءبىزدىڭ جوسپارىمىز، ەسەپتەپ جاتىرمىز. بىزگە جاس وتباسىلاردان «كەزەككە تۇرا المايمىز، 4 بالامىز جوق، ارنايى باعدارلاما جاساپ بەرىڭىزدەر» دەگەن سىندى ءوتىنىش كوپ كەلەدى. سول جوسپارىمىزعا قاتىستى اقپارات ينتەرنەتكە تاراپ كەتىپتى. ول باعدارلاما بولسا، 2024 -جىلى رەسمي اقپاراتىن بەرەمىز»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
سونىمەن قاتار ول اتالعان باعدارلامانىڭ جان-جاقتى شارتتارى مەن تەتىكتەرى كەلەر جىلى عانا بەلگىلى بولاتىندىعىن اتاپ ءوتتى.
اۆتور
مارلان جيەمباي
