وتاندىق عالىمدار جاڭا كۇن پانەلىن دايارلاپ شىعاردى

«قازىر ءبىزدىڭ عالىمدار ازىرلەگەن جوبالار بار. فيزيكا-تەحنيكالىق ينستيتۋتىنىڭ ءونىمى قاراعاندىلىق كومپانيامەن بىرلەسە قازىر جاڭا كۇن پانەلدەرىن جاساۋعا مۇمكىندىك بەرەتىنىن كورىپ وتىرمىز»، - دەدى دارحان احمەد-زاكي پارلامەنت ماجىلىسىندە تىلشىلەر سۇراعىنا جاۋاپ بەرە وتىرىپ.

ۆيتسە-مينيستر بۇل جوبا وتاندىق ءونىم ەكەنىن راستادى.

«بۇگىن ءبىز ىسكەرلىك كەڭەستە ولاردىڭ ءونىمىن ەكسپورتتاۋ باعىتتارىن تالقىلادىق. بۇل رەتتە، عىلىمي ينستيتۋتپەن ءوزارا ءىس-قيمىل ارقىلى وتاندىق ءونىمدى ءوندىرىپ، ونى ەكسپورتقا شىعارۋعا مۇمكىن بولادى. وسى ءونىم فيزيكا-تەحنيكالىق ينستيتۋتى زەرتتەۋى ناتيجەسىندە جاسالىپ وتىر»، - دەدى مينيسترلىك وكىلى.

بۇدان بۇرىن حابارلانعانداي، بۇگىن پارلامەنت ماجىلىسىندە «عىلىم جانە تەحنولوگيالىق ساياسات تۋرالى» جاڭا زاڭ جوباسى تانىستىرىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى