وتە جاناشىر ءارى مەيىرىمدى بالا - مەكتەپ ديرەكتورى اۆتوبۋس جولاۋشىلارىن قۇتقارعان وقۋشى تۋرالى

اقجول گەروي وتەگەن باتىر اۋىلىندا ورنالاسقان №24 مەكتەپ- ليتسەينىڭ 8-سىنىپ وقۋشىسى. 22-قاراشادا ول قارىنداسى ەكەۋى مەكتەپتەن اۆتوبۋسپەن ۇيگە قايتىپ كەلە جاتقان. سول كەزدە ولار وتىرعان قوعامدىق كولىك جۇرگىزۋشىسىنىڭ جۇرەگى ۇستاپ قالعان.

ىشىندەگى جولاۋشىلار شوشىپ كەتتى، ال بالانىڭ قارىنداسى ودان جۇرگىزۋشىگە كومەكتەسىپ، كولىكتى توقتاتۋدى سۇرادى. اقجول ەش ويلانباستان، جۇرگىزۋشى ورنىنا جۇگىرىپ بارىپ، تەجەگىشتى باسىپ، اپاتتىڭ الدىن الدى.

«بالا وتەگەن باتىر اۋىلىنداعى قاراسۋ شاعىن اۋدانىندا تۇرادى. ول كوپبالالى وتباسىنان شىققان، جەتى بالانىڭ ۇلكەنى. جاقسى وقيدى، جاناشىر، مەيىرىمدى، ءتارتىپتى، بەلسەندى»، - دەيدى №24-ليتسەي ديرەكتورى زاحيدا تورەحودجايەۆا.

ىلە اۋدانىنىڭ اكىمى باعدات قاراسايەۆ بالانىڭ قولىنان الىپ، ءىلتيپات ءبىلدىرىپ، وعان نوۋتبۋك، ءتاتتى سالىنعان سەبەت، ال اتا-اناسىنا ۇلدارىن جاقسى تاربيەلەگەنى ءۇشىن العىس حات تابىس ەتتى.

بۇعان دەيىن الماتى وبلىسىندا 8-سىنىپ وقۋشىسى اۆتوبۋستى توقتاتىپ، جولاۋشىلاردى قۇتقارىپ قالعانى تۋرالى جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى