وسكەمەندە ەر ادام كوپقاباتتى ءۇيدىڭ شاتىرىنان قۇلاپ كەتتى
وسكەمەن قالاسىندا ەر ادام كوپقاباتتى ءۇيدىڭ شاتىرىنان قۇلاپ كەتتى، دەپ حابارلايدى Kazinform.
وقىس وقيعا 15-قاراشا كۇنى قالاداعى شاكارىم داڭعىلىندا بولعان.
اسفالت ۇستىندە قيمىل-قوزعالىسسىز جاتقان ەر ادامدى بايقاعان كۋاگەرلەر پوليتسياعا حابار بەردى.
الدىن الا دەرەك بويىنشا، ازامات ەكىقاباتتى تۇرعىن ءۇيدىڭ شاتىرىندا ولشەۋ جۇرگىزىپ جاتقاندا ابايسىزدا قۇلاپ كەتكەن.
«قازىرگى ۋاقىتتا بۇل دەرەك بەلگىلەنگەن تارتىپپەن تىركەلىپ، تەرگەۋ امالدارى جۇرگىزىلىپ جاتىر. وقيعانىڭ بۇكىل ءمان-جايى انىقتالادى. 31 جاستاعى جابىرلەنۋشى اۋرۋحاناعا جەتكىزىلدى»، - دەپ حابارلادى ش ق و پوليتسيا دەپارتامەنتىنىڭ باسپا ءسوز قىزمەتى.
اۆتور
تالعاتجان مۇحامەتبەك ۇلى
