وسكەمەندە ءدامحانا ماڭىندا 25 جاستاعى جىگىتتى ءولتىرىپ كەتتى
وسكەمەن قالاسىندا ءدامحانا ماڭىندا 25 جاستاعى جىگىتتى ءولتىرىپ كەتتى، دەپ حابارلايدى Kazinform.
وقيعا قالاداعى ليحاريەۆ كوشەسىندە بولعان. ءدامحانا الدىندا ەر ادامدار ەرەگەسىپ قالدى.
سول كەزدە وتكىر زاتپەن جارالانعان 25 جاستاعى جىگىت سول جەردە كوز جۇمعان.
قازىرگى ۋاقىتتا پوليتسيا قىزمەتكەرلەرى تەرگەۋ امالدارىن جۇرگىزىپ جاتىر.
«اتالعان فاكتى بويىنشا ق ر قىلمىستىق كودەكسىنىڭ 99-بابى 1-بولىگىنە سايكەس سوتقا دەيىنگى تەرگەۋ امالدارى جۇرگىزىلىپ جاتىر. جەدەل ىزدەستىرۋ شارالارىنىڭ ناتيجەسىندە كۇدىكتى ۇستالىپ، ۋاقىتشا ۇستاۋ يزولياتورىنا قاماۋعا الىنعان»، - دەپ حابارلادى ش ق و پوليتسيا دەپارتامەنتىنىڭ باسپا ءسوز قىزمەتى.
ۆەدومستۆو دەرەگىنشە، ق ر ق پ ك 201-بابىنا سايكەس سوتقا دەيىنگى تەرگەۋدىڭ وزگە دەرەكتەرى جاريا ەتىلمەيدى.
اۆتور
تالعاتجان مۇحامەتبەك ۇلى
