وسكەمەندە ءبىر جاسار بالا ساقينا جۇتىپ قويدى
وسكەمەن قالاسىندا ءبىر جاسار بالا ساقينا جۇتىپ قويدى، دەپ حابارلايدى Kazinform.
ش ق و دەنساۋلىق ساقتاۋ باسقارماسى باسپا ءسوز قىزمەتىنىڭ مالىمەتىنە سۇيەنسەك، «103» ارناسىنا حابارلاسقان قالا تۇرعىنى بالاسىنىڭ ساقينا جۇتىپ قويعانىن ايتتى. ساقينا تىنىس الۋ جولىن جاۋىپ، ءبۇلدىرشىن تۇنشىعا باستاعان.
«جەدەل جاردەم قىزمەتكەرلەرى سول جەرگە جەتكەنشە ديسپەتچەر ەلدوس ءانۋارحانوۆ تەلەفون ارقىلى اتا-اناسىنا گەيمليح مانيەۆرىن جاساۋدى ءتۇسىندىرىپ، قالاي ارەكەت ەتۋ كەرەكتىگىن ايتىپ وتىردى. ابىروي بولعاندا، 1 جاسار بالا قايتا تىنىس الا باستاپ، امان قالدى»، - دەلىنگەن اقپاراتتا.
اتا-اناسى ديسپەتچەرگە العىس ءبىلدىرىپ، ريزاشىلىقتارىن جەتكىزدى.
