وسكەمەندە الاياق قىز قۇربىلارىنىڭ اتىنان 9 ميلليون تەڭگە نەسيە العان
وسكەمەن قالاسىندا قۇربىلارىنىڭ اتىنان 9 ميلليون تەڭگە نەسيە العان قىز ۇستالدى، دەپ حابارلايدى Kazinform.
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، پوليتسياعا جۇگىنگەن 23 جاستاعى قالا تۇرعىنى الاياقتىققا تاپ بولعانىن جەتكىزدى.
ءوز سوزىندە ول قۇربىسىنىڭ الداپ، 3200000 تەڭگەدەن استام سوماعا ونلاين نەسيە رەسىمدەگەنىن ايتتى.
جابىرلەنۋشى نەسيە تۋرالى بانك قىزمەتكەرلەرى قوڭىراۋ شالعان كەزدە عانا بىلگەن.
ارىز تۇسكەن سوڭ ءتارتىپ ساقشىلارى جەدەل-ىزدەستىرۋ شارالارىنا كىرىستى.
سونىڭ ناتيجەسىندە 22 جاستاعى كۇدىكتى ۇستالىپ، بولىمشەگە جەتكىزىلدى.
تەرگەۋ بارىسىندا قىزدىڭ وسىعان ۇقساس تاعى 2 الاياقتىق جاساعانى انىقتالدى.
«ول ەكى قۇربىسىنان قوڭىراۋ شالىپ الۋ ءۇشىن ۇيالى تەلەفونىن سۇراپ، كەيىن بانك قوسىمشاسى ارقىلى 1 جانە 5 ميلليون تەڭگەگە نەسيە راسىمدەپ، اقشانى ءوز شوتىنا اۋدارعان. قازىرگى ۋاقىتتا ق ر ق ك- ءنىڭ 190-بابى 2-بولىگىنە (الاياقتىق) سايكەس سوتقا دەيىنگى تەرگەۋ امالدارى ءجۇرىپ جاتىر»، - دەلىنگەن اقپاراتتا.
