وسكەمەندە 5 مىڭ، اقتوبەدە 30 مىڭ ورىن: ەلدىڭ 8 قالاسىندا فۋتبول ستاديوندارى سالىنادى
استانا. KAZINFORM — تۋريزم جانە سپورت ءمينيسترى ەربول مىرزابوسىنوۆ ەلدە فۋتبول ينفراقۇرىلىمى قالاي جاڭعىرتىلاتىنىن ءمالىم ەتتى.
ونىڭ سوزىنشە، قازىرگى ۋاقىتتا 8 ستاديوننىڭ قۇرىلىسىنا بايلانىستى جۇمىستار جۇرگىزىلۋدە. ونىڭ ىشىندە قىزىلوردا قالاسىندا تريبۋنالارى بار جاڭا ستاديون سالىنىپ جاتىر.
- باتىس قازاقستان وبلىسىنىڭ ورتالىعى ورال قالاسىندا پ. اتويان اتىنداعى ستاديوننىڭ جوبالىق-سمەتالىق قۇجاتتاماسى جەكە ينۆەستيتسيالار ەسەبىنەن ازىرلەنىپ، مەملەكەتتىك ساراپتاماعا جىبەرىلگەن. استانادا ق. مۇنايتپاسوۆ اتىنداعى ستاديوننىڭ جوباسى مەملەكەتتىك ساراپتامانىڭ وڭ قورىتىندىسىن الدى. شىمكەنتتە، سەمەيدە جانە اقتاۋدا جاڭا ستاديوندار سالۋ ءۇشىن جوبالىق-سمەتالىق قۇجاتتاما ازىرلەنۋدە. سونىمەن قاتار، وسكەمەن قالاسىندا 5 مىڭ ورىندىق جابىق ستاديون سالۋ ءۇشىن جەر ۋچاسكەسى بەلگىلەنگەن. بۇل جوبا مەملەكەت باسشىسىنىڭ تاپسىرماسى اياسىندا جۇزەگە اسىرىلۋدا. سونداي-اق، اقتوبە قالاسىندا 30 مىڭ ورىندىق ستاديون سالۋ جوسپارلانعان، - دەدى مينيستر.
قازىر ەلىمىزدە 28 نەگىزگى ستاديون جۇمىس ىستەپ تۇر. مينيستر اتاپ وتكەندەي، ونىڭ ينفراقۇرىلىمىن دامىتۋ ءۇشىن تاعى قوسىمشا تاعى 5 جاڭا ستاديون سالۋ كەرەك.
بۇعان دەيىن بورىشكەر لۋدومانداردى جسن ارقىلى انىقتاۋ تەتىگى ەنگىزىلۋى مۇمكىن ەكەنى ايتىلدى.
سونىمەن قاتار ءۇش وبلىستا تەك شەتەلدىكتەرگە ارنالعان كازينولار اشىلاتىنى انىقتالدى.
