وسكەمەن قالاسىنىڭ اكىمى تاعايىندالدى

ول بۇعان دەيىن كۇرشىم اۋدانىنىڭ اكىمى لاۋازىمىن اتقارعان. المات تالعات ۇلى شىعىس قازاقستان وبلىسى كۇرشىم اۋدانىندا دۇنيەگە كەلگەن.

گۋميليەۆ اتىنداعى ەۋرازيا ۇلتتىق ۋنيۆەرسيتەتىن تۋريزم ماماندىعى بويىنشا، الماتى ەكونوميكا جانە ستاتيستيكا اكادەمياسىن ەكونوميكا جانە بيزنەس ماماندىعى بويىنشا، ق ر پرەزيدەنتى جانىنداعى مەملەكەتتىك باسقارۋ اكادەمياسىن وڭىرلىك دامۋ ماگيسترى بىلىكتىلىگى بويىنشا ءتامامداعان.

ەڭبەك جولىن ەلورداداعى «قازاقستان ورتالىق كونتسەرت زالى» اكىمشىلىك-شارۋاشىلىق ءبولىمىنىڭ بيلەت باقىلاۋشىسىنان باستاعان.

2012 -جىلدان وسكەمەن قالالىق تۋريزمدى دامىتۋ ءبولىمىنىڭ مامانى، كەيىن دەنە شىنىقتىرۋ-ساۋىقتىرۋ كەشەنى ۇيىمداستىرۋ ءبولىمىنىڭ باسشىسى بولدى.

2015-2018 -جىلدارى اۋىل شارۋاشىلىعى مينيسترلىگىندە ساراپشى جانە باس ساراپشى لاۋازىمدارىندا قىزمەت ەتتى.

2018-2020 -جىلدارى ش ق و ۇلان اۋدانى اكىمى اپپاراتىنىڭ باسشىسى بولعان.

2020-2021 -جىلدارى ش ق و اياگوز اۋدانى اكىمىنىڭ ەكونوميكا جانە تۇرعىن ءۇي-كوممۋنالدىق شارۋاشىلىق ماسەلەلەرى جونىندەگى ورىنباسارى بولىپ جۇمىس ىستەدى.

2021 -جىلدىڭ قاڭتار ايىنان 2022 -جىلدىڭ قىركۇيەگىنە دەيىن ش ق و ەنەرگەتيكا جانە ت ۇ ك ش باسقارماسىنىڭ باسشىسى لاۋازىمىن اتقارعان.

2022 -جىلدىڭ 28- قىركۇيەگىنەن وسى ۋاقىتقا دەيىن كۇرشىم اۋدانىنىڭ اكىمى بولدى.

بۇعان دەيىن حابارلاعانىمىزداي، سەرىك جەڭىسوۆ شقو سامار اۋدانىنىڭ اكىمى بولىپ تاعايىندالدى.

تالعاتجان مۇحامەتبەك ۇلى

اۆتور

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى