ورتالىق ازياداعى ەڭ بيىك سارقىراماعا اپاراتىن جول جوندەلەدى

اكىمدىكتىڭ مالىمەتىنشە بيىلعى جىلدىڭ 10 ايىندا تۋريستەر قابىلدايتىن نىسانداردا 41 مىڭ ادام دەمالىپ، اقىلى قىزمەت كورسەتۋ كولەمى 25 ميلليون تەڭگەگە جەتكەن. سارقىراماعا اپاراتىن جول قۇرىلىسىنىڭ كەلەسى جىلى باستالاتىنىن وبلىس اكىمى ەسكەلدى اۋدانى تۇرعىندارىمەن كەزدەسۋىندە ايتتى.

- بۇرقانبۇلاق سارقىراماسىنا اپاراتىن 31 كيلومەتر اۆتوجولدى جوندەۋ جۇمىستارى كەلەسى جىلى باستالاتىنىن اتاپ ءوتۋ كەرەك. بۇل ماقساتقا 2025-جىلى رەسپۋبليكالىق بيۋجەتتەن 3 ميلليارد تەڭگە قاراجات بولىنەدى. سوندىقتان تۋريزمدى دامىتۋ ءۇشىن ينفراقۇرىلىمدى جاقسارتىپ، جاڭا قوناق ۇيلەر، دەمالىس بازالارىن سالىپ، جولداردى جوندەۋ قاجەت. ينتەرنەت-رەسۋرستار مەن الەۋمەتتىك جەلىلەر ارقىلى كورىكتى جەرلەردى كەڭىنەن ناسيحاتتاپ، ەكوتۋريزم مەن اگروتۋريزم باعىتتارىن دامىتۋ كەرەك، - دەدى جەتىسۋ وبلىسىنىڭ اكىمى بەيبىت يسابايەۆ.

ەسكە سالايىق وسىعان دەيىن جەتىسۋدا بيىل وبلىستىق دەڭگەيدەگى 193 شاقىرىم جول جوندەۋ جۇمىستارى اياقتالاتىنىن جازعانبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى