ورتالىق ازيا ەلدەرى مەن ازەربايجان پرەزيدەنتتەرى كەشكى اس ىشۋگە جينالدى

بۇعان دەيىن قاسىم-جومارت توقايەۆ ورتالىق ازيا مەملەكەتتەرى باسشىلارىنىڭ VI كونسۋلتاتيۆتىك كەزدەسۋىنە قاتىسۋ ءۇشىن استاناعا ارنايى كەلگەن وزبەكستان، قىرعىزستان، تاجىكستان جانە ازەربايجان پرەزيدەنتتەرىمەن بىرگە مارتەبەلى مەيمانداردىڭ قۇرمەتىنە ۇيىمداستىرىلعان «دوستىق كەشى» گالا-كونسەرتىن تاماشالادى.

بۇگىن كەشكە استاناعا تاجىكستان پرەزيدەنتى ەمومالي راحمون استاناعا كەلدى، ول ورتالىق ازيا مەملەكەتتەرى باسشىلارىنىڭ VI كونسۋلتاتيۆتىك كەزدەسۋى مەن «ورتالىق ازيا + جاپونيا» ديالوگى مەملەكەتتەرى باسشىلارىنىڭ ءبىرىنشى سامميتىنە قاتىسادى.

ودان بۇرىن قىرعىزستان پرەزيدەنتى سادىر جاپاروۆ تا استاناعا كەلگەن ەدى. قىرعىز باسشىسى دا ورتالىق ازيا مەملەكەتتەرى باسشىلارىنىڭ VI كونسۋلتاتيۆتىك كەزدەسۋىنە جانە «ورتالىق ازيا + جاپونيا» ديالوگى مەملەكەتتەر باسشىلارىنىڭ ءبىرىنشى سامميتىنە قاتىسادى. 

سونداي-اق، بۇگىن ازەربايجان باسشىسى يلحام اليەۆ تە ورتالىق ازيا مەملەكەتتەرى باسشىلارىنىڭ VI كونسۋلتاتيۆتىك كەزدەسۋىنە قاتىسۋ ءۇشىن استاناعا كەلگەن بولاتىن.

ال، 7-تامىز كۇنى قاسىم-جومارت توقايەۆ قازاقستانعا مەملەكەتتىك ساپارمەن كەلگەن وزبەكستان پرەزيدەنتى شاۆكات ميرزيەيەۆتى ەلوردا اۋەجايىندا قارسى العانىن جازعان ەدىك.

7-8-تامىز كۇندەرى تۇستىكتەگى كورشى ەل باسشىسى شاۆكات ميرزيەيەۆتىڭ قازاقستانعا رەسمي ساپارى ءوتىپ جاتىر.

اۆتور
ەربول جانات

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى