ورتاعا بەيىمدەلەتىن جاعدايدا بولدى - ۆيتسە-مينيستر بالانى پىشاقتاعان جاس ءوسپىرىم تۋرالى

- جاس ءوسپىرىم ستاتسيوناردا بولعاندا تاعايىندالعان ەم تيىمدىلىگىن كورسەتتى، ەشقانداي كۇدىك تۋدىرعان جوق، ءبىز باقىلاۋدا ۇستادىق. تەرىس اسەرى بايقالمادى، جاس ءوسپىرىمدى بولەك ۇستاۋدىڭ قاجەتتىلىگى بولمادى. ورتاعا بەيىمدەلەتىن جاعدايدا بولدى. جاس ءوسپىرىمدى ستاتسيوناردان شىعارعاننان كەيىنگى جاعدايىنا قاتىستى قازىر كوميسسيا جۇمىس ىستەپ جاتىر، - دەدى ەرجان نۇرلىبايەۆ ءماجىلىس قابىرعاسىندا ب ا ق وكىلدەرىنىڭ ساۋالىنا جاۋاپ بەرە تۇرىپ.

ۆيتسە-ءمينيستردىڭ ايتۋىنشا، تىڭعىلىقتى زەرتتەۋدەن كەيىن جاس ءوسپىرىمنىڭ جاعدايىنا قاتىستى اقپارات ۇسىنىلادى.

سونداي- اق، جاس ءوسپىرىمدى ستاتسيوناردان بىلتىر جىل سوڭىندا نەمەسە بيىل جىل باسىندا شىعارعان.

-جاس ءوسپىرىمنىڭ اتا-اناسىن ايىپتامايمىن، ءبىراق ستاتسيوناردان شىعارعاننان كەيىن ءدارى-دارمەكتى ۋاقتىلى قابىلداۋ، باسقا دا رەجيمگە اتا-انا نەمەسە قامقورشى جاۋاپتى. پاتسيەنت ستاتسيوناردان شىققان كەزدە ءبىز جانە قامقورشى تەڭدەي جاۋاپتىمىز. قازىر جاس ءوسپىرىم دارىگەرلەردىڭ باقىلاۋىندا، ونىڭ جاعدايىندا قاۋىپ جوق، - دەيدى ول.

ايتا كەتسەك، ليفتىدە بالانى پىشاقتاعان جاسءوسپىرىمدى جالعىزباستى انا تاربيەلەپ وتىرعانى بەلگىلى بولدى.

ەسكە سالا كەتسەك، ەلوردادا جاس ءوسپىرىم ليفتى ىشىندە بالانى پىشاقتاپ تاستاعان ەدى. كەيىن بەلگىلى بولعانداي پىشاقپەن شابۋىلداعان جاسءوسپىرىم ارنايى ەسەپتە تۇرعان.

دارىگەرلەر زارداپ شەككەن بالاعا دەرەۋ وتا جاساپ، پسيحولوگيالىق كومەك كورسەتتى.

قازىر بالانى پىشاقتاعان جاس ءوسپىرىم پسيحياتريالىق ستاتسيوناردا.

اۆتور

داۋلەت ىزتىلەۋ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى