ورالدا ۇلتتىق سپورت مەكتەبى جانىنان بايگە ءبولىمى اشىلدى

بايگە بولىمىنە كەلگەن بالالار ءار ساباقتىڭ الدىندا وسىلاي ساپ تۇزەپ، دەنە قىزدىرۋعا ارنالعان جاتتىعۋلار جاسايدى. كەيىن بىلەك كۇشىن شىنىقتىرۋعا كوشەدى. ويتكەنى تۇلپار تىزگىنىن تارتۋ وڭاي ەمەس. ال بۇدان سوڭ بالالار ارنايى جابدىققا ەرتتەلگەن ەر- توقىمعا جايعاسىپ ۇيرەنە باستادى. باپكەرلەر اتقا قونۋدىڭ ءتيىمدى تاسىلدەرىن كورسەتىپ جاتىر. سودان كەيىن جەتكىنشەكتەر جىلقىعا مىنەدى.

احمەت دەمەسىن، شاباندوز:

- ۋاقىتىم بوس بولعان كەزدە عانا بارامىن اتقا. دەمالىس كۇندەرى دە بارامىن. سول كۇنى اتتارعا ءمىنىپ، شابۋعا دايىندالامىن. قيىن ەمەس، جاقسى اتىمىز. بولاشاقتا اتبەگى بولعىم كەلەدى. ءوزىم بىلاي شاپقىم كەلىپ ءجۇر. مۇندا جەتكىنشەكتەر 5 توپقا بولىنگەن. ءارقايسىسىندا 5 بالادان. ولاردىڭ قاتارىندا ءتۇرلى دەڭگەيدە بايگەلەرگە قاتىسىپ جۇرگەن جاس شاباندوزدار دا بار. جالپى ورالدىقتاردىڭ ات سپورتىنا دەگەن قىزىعۋشىلىعى جوعارى. سولاردىڭ قاتارىندا جاسقايرات نەسىپقالييەۆ بار. ول بۇگىن بايگە بولىمىنە ەگىز ۇلىن الىپ كەلىپتى.

جاسقايرات نەسىپقاليەۆ، قالا تۇرعىنى:

- ءوزىم اتقا وتىرىپ، بايگەگە شاۋىپ ءجۇردىم عوي كەزىندە. قازىر بالالار ورنىمدى باسسىن دەپ. پوكا قالادا بولعانىمىزبەن ءوزىمىز اتتان قالدىرتپايمىز. ۇيرەتىپ جاتىرمىز. اتقا مىنگەن جاقسى عوي. اتا- بابامىز اتپەن كەلە جاتىر عوي. بايگە بولىمىندە ەكى باپكەر بار. جەتكىنشەكتەر ءۇشىن 8 تۇلپار بەرىلگەن. جاتتىقتىرۋشىلار جىلقى سانىن كوبەيتۋگە نيەتتى.

اقىلبەك يشانوۆ، بايگە تۇرلەرىنەن اعا جاتتىقتىرۋشى:

- بۇرىن وسى جەردە بالامدى شاباندوز قىلىپ دايىندادىم، 6 جاستان. سونىڭ قاسىنا دوستارى كەلدى. ون شاقتى بالا بولىپ قالدى. سوسىن فەدەراتسيانىڭ قولداۋىمەن 2 شتات بەردى. قازىر تاي بايگە، قۇنان بايگە، توپ بايگە دەگەن سياقتى باعىتتا دايىنداپ جاتىرمىز. ەندى بىزگە كلاسسسيكالىق بايگە تۇرلەرىنەن، گلادكي دەيمىز، ۇشقىر بايگەلەرگە، سوعان بىرلىكتەر بەرسە. جان- جاقتى دامىتقىمىز كەلەدى بايگەنى. ءدال وسى كەشەن ماڭىندا قالا كۇنىندە بايگە وتكەن. سول ءدۇبىرلى دودا ناتيجەسىندە ءبىراز جەتكىنشەكتىڭ ات سپورتىنا دەگەن قىزىعۋشىلىعى ويانىپ، جاتتىعۋ الاڭىن ىزدەپ كەلگەن دەيدى باپكەرلەر.

ەركەبۇلان سمادياروۆ، بولات جارىلعاسوۆ، ەلدار ايۋپوۆ

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى