ورال قالاسىندا 13 جاستاعى قىزدىڭ اسقازانىنان 642 گرام شاش شىقتى
ورال. KAZINFORM - ورال قالاسىنداعى وبلىستىق كوپبەيىندى بالالار اۋرۋحاناسىندا 13 جاستاعى قىزعا كۇردەلى وتا جاسالدى.
ب ق و دەنساۋلىق ساقتاۋ باسقارماسىنىڭ باسپا ءسوز قىزمەتىنەن ءمالىم ەتكەنىندەي، اناسىنىڭ سوزىنە قاراعاندا، قىزى 11- ماۋسىمنان باستاپ اسقازانىنداعى اۋىرسىنۋعا شاعىمدانعان.
پەدياترعا قارالعان كەزدە جوعارى ەندوسكوپيالىق زەرتتەۋ جۇرگىزىلىپ، سونىڭ ناتيجەسىندە اسقازاندا بوگدە زات بار ەكەنى انىقتالعان. وسىعان بايلانىستى قىز وبلىستىق كوپبەيىندى بالالار اۋرۋحاناسىنا جىبەرىلگەن.
- وتا ءساتتى ءوتتى. قازىرگى تاڭدا پاتسيەنتتىڭ جاعدايى تۇراقتى. ەم-شارا تولىعىمەن مىندەتتى الەۋمەتتىك مەديتسينالىق ساقتاندىرۋ اياسىندا اتقارىلدى، - دەدى وتا جاساعان حيرۋرگ ءالىبي تولەگەنوۆ.
ماماندار مۇنداي جاعدايلاردىڭ الدىن الۋ ءۇشىن بالالاردىڭ پسيحولوگيالىق دەنساۋلىعىنا ەرەكشە نازار اۋدارۋ قاجەتتىگىن ەسكە سالادى.
اۆتور
عايساعالي سەيتاق
