وقۋلىق اۆتورلارى Scopus جۋرنالدارىنا ماقالا جازۋدان بوساتىلا ما - ءمينيستردىڭ جاۋابى

- قازىرگى تاڭدا عىلىمي دارەجە قورعاۋ ءۇشىن، گرانتتىق جوباعا قاتىسۋ ءۇشىن مىندەتتى تۇردە عالىمدار Scopus جۋرنالدارىنا ەڭبەكتەرىن شىعارۋ كەرەك. سوعان بايلانىستى ءبىزدىڭ گۋمانيتارلىق سالا عالىمدارى كوپ ءوتىنىش ءبىلدىرىپ ءجۇر. ايتۋلارىنشا، اسىرەسە، تاريح، قازاق فيلولوگياسى سياقتى سالالاردىڭ تاقىرىپتارى Scopus پۋلىنا كىرەتىن جۋرنالدارعا قىزىقتى ەمەس. ەكى جىل بۇرىن وسىنداي عالىمدارعا جەڭىلدىك جاسادىق. مىسالى، قازاق ءتىلى جانە ادەبيەت، لينگۆيستيكا، وتاندىق تاريح سالاسىندا قازاقستاندىق جۋرنالدارعا ماقالا جاريالاۋ، مونوگرافيا جاريالاۋ Scopus-قا ماقالا شىعارۋمەن بىردەي بولادى دەگەن جەڭىلدىك جاسادىق. كوپ ادامدار سونى تۇسىنبەي قالا ما دەپ قورقىپ وتىرمىز. ياعني، ەندى وسى باعىتتار بويىنشا Scopus مىندەتتى ەمەس، - دەدى ول.

سونداي- اق، پايدالى وقۋلىق جازعان عالىمداردى Scopus-قا ماقالا شىعارۋ مىندەتىنەن بوساتۋ تۋرالى ۇسىنىسقا پىكىر ءبىلدىردى.

- ۇلتتىق قۇرىلتايدا تاعى ءبىر ۇسىنىس ايتىلدى. عالىم مىقتى وقۋلىق جازسا جانە ونى ادىستەمەلىك بىرلەستىك عىلىمي اينالىمعا ەنگىزسە، ونداي ەڭبەك Scopus ماقالانىڭ ورنىنا ەسەپتەلسىن دەپ وتىر. ونى قاراستىرۋىمىز كەرەك، قاراستىرۋعا دايىنبىز، - دەدى ساياسات نۇربەك.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى