وقۋشىلار تۋرالى ازىلدەر
استانا.قازاقپارات - مەكتەپتەگى بالعىن بالالىق شاعىڭىز ەسىڭىزدە مە؟ شىجىعى مەن قىزىعى مول كۇندەردىڭ ارتتا قالعانىنا كوپ ۋاقىت بولسا دا، ەستەلىكتەرى ماڭگىلىك جادىمىزدا. سول ەستەلىكتەردىڭ كۇلكىلى ساتتەرىن وقىپ، كۇلىپ الىڭىز.
- بىزگە جاڭادان وقۋشى كەلدى. ءوزى سونداي سۇلۋ بالا.
- جاقسى بولعان ەكەن. ايتپەسە، سىنىپتاعى ۇلدارىڭنىڭ ءتۇرى ونشا ەمەس قوي.
- جاڭادان كەلگەن وقۋشى دا سولاي ويلايدى.
****
تاريح ساباعىنان ەمتيحان.
مۇعالىم: - ەڭ العاشقى ۇشقىش ايەل.
وقۋشى: - جالماۋىز كەمپىر.
****
مۇعالىم-مۇعالىمگە:
سىنىبىم سونداي اقىماق. ءبىر رەت ءتۇسىندىردىم، تۇسىنبەدى. ەكىنشى رەت ءتۇسىندىردىم، تۇسىنبەدى. ءۇشىنشى رەتىندە ءوزىم دە ءتۇسىنىپ الدىم. ال ولار ءالى تۇسىنبەدى.
****
تەحنولوگيا ساباعىنان بەرەتىن مۇعالىمىمىز ءبىر شولمەك ىشىمدىك ىشكەن سوڭ مۋزىكا ءپانىنىڭ مۇعالىمىنە اينالادى. ەكىنشىسىنەن كەيىن فيلوسوفيا پانىنەن ساباق بەرىپ كەتەتىنى بار.
****
1-4- سىنىپتا ۇناتاتىن، 5-8 سىنىپتا كوشىرۋگە بەرەتىن، 9-11 سىنىپتا بىرگە وتىرعاندا جاقسىلاپ كۇلۋگە بولاتىن وقۋشىمەن وتىراتىنىمىز راس قوي؟
****
مۇعالىم تاقتاعا شاقىرار كەزدە بىرەۋى ميكرو ينفاركت الىپ (تالىپ)، ەكىنشىسى جاراتقانعا جالبارىنىپ، ءۇشىنشىسى ءۇي تاپسىرماسىنىڭ جارتىسىن جاتتاپ ۇلگەرەتىن كەزى ەستەرىڭىزدە مە؟.
****
جاقىندا اتا-انالار جينالىسى بولادى. كىرۋ تەگىن، شىعۋ 2000 تەڭگەدەن جوعارى.
****
مەكتەپ كەزىندە وزات وقۋشىلار ناشار وقيتىندارعا كوشىرۋگە بەرەدى. ال مەكتەپتى بىتىرگەن سوڭ ناشار وقيتىن وقۋشىلار وزاتتارعا پايىزبەن اقشا بەرەدى.
****
سىنىپتا باقىلاۋ جۇمىسى جازىلىپ جاتىر. سىنىپ جەتەكشىسى وقۋشىلاردى جاقسىلاپ باقىلاپ، كوشىرىپ جاتقاندارىن شىعارىپ جىبەرۋدە. سىنىپقا زاۆۋچ كىرىپ:
- ال قالاي جازىپ جاتىرسىڭدار؟ ارالارىڭدا كوشىرۋدى جاقسى كورەتىندەر دە بار شىعار؟ - دەدى.
وقۋشىلار:
- جاقسى كورەتىندەر سىرتتا تۇر، تەك بۇل ءىستىڭ ناعىز ماماندارى قالدى.
****
ساۋدا دۇكەندەرى وزات وقۋشىلارعا ارنالعان جيىنتىق ۇسىنادى. جيىنتىقتىڭ ىشىنە سومكە، پەنال، داپتەر، قالام، كۇندەلىك كىرەدى. جانە سىيلىققا بەلدىك بەرىلەدى.
****
مۇعالىم تەمەكى تارتاتىن ادامدار ۇزاق ءومىر سۇرمەيدى دەپ، دالەل رەتىندە 9 سىنىپتاعى قوجانى اتىپ تاستادى.
****
باستاۋىش سىنىپتا ۇلدار ادەمى قىزداردىڭ شاشىن تارتا بەرەدى. وسكەن سوڭ ادەمى قىزداردىڭ نەگە اقىماق بولاتىنىنا تاڭ قالادى.
****
مەن حيميا ەسەپتەرىن شامامەن بىلاي تۇسىنەمىن:
ەكى تۇيە ۇشىپ بارا جاتتى. ءبىرى - قوڭىر، ەكىنشىسى - سولعا. كىرپىنىڭ جاسى 24 تە بولسا، اسفالتتىڭ كيلوگراممى قانشا؟
****
مۇعالىم اتا-انالارعا: سىزدەردىڭ بالالارىڭىز كوكتەمنىڭ جايقالعان گۇلىندەي.
اتا-انالار: - راقمەت سىزگە!
مۇعالىم: - بۇرشىك اتقانداي ءبارى بەت-بەتىمەن كەتىپ بارادى!
دايىنداعان: قارلىعا بۇيەنباي
massaget
