ونلاين ساتىپ الۋ كەزىندەگى ىقتيمال قاۋىپتەر قانداي - شكى ىستەر مينيسترلىگى ەسكەرتەدى

جاپپاي جەڭىلدىكتەر، ءارتۇرلى مەرەكەلەرگە ارنالعان جالپى ساتىلىمدار كەزىندە ازاماتتار الاياقتارعا الدانىپ قالۋى مۇمكىن. مىسالى، اقپان ايىندا كوپتەگەن ەلدەردە «عاشىقتار كۇنى» اتاپ وتىلەدى. وسىعان وراي ادامدار وزدەرىنىڭ سۇيىكتىلەرىنە سىيلىق جاساۋدى جوسپارلاپ جاتادى. قاراجاتتان ايىرىلىپ قالماس ءۇشىن ءى ءى م قاراپايىم ەرەجەلەردى ساقتاۋدى ۇسىنادى:

تاۋاردى تەك تەكسەرىلگەن سايتتاردان نەمەسە رەسمي ماركەتپلەيستەردەن ساتىپ الىڭىز.
تىم تومەن باعاعا قىزىقپاڭىز. ەگەر جەڭىلدىك كۇماندى كورىنسە، بۇل الاياقتىق بولۋى مۇمكىن.
ەگەر الەۋمەتتىك جەلىلەردە «قىزىقتى» ۇسىنىسقا تاپ بولساڭىز، دۇكەن نەمەسە ساتۋشى تۋرالى مالىمەتتەردى تەكسەرىپ الىڭىز. بۇل جاعدايدا قالدىرىلعان پىكىرلەرگە، تىركەلۋشىلەردىڭ سانىنا جانە ءبولىپ تولەۋ مۇمكىندىگىنە نازار اۋدارعان ابزال. الايدا ونىڭ كەپىل بولا بەرمەيتىنىن دە ەستە ۇستاعان ءجون.
ساتۋشىعا بەينەقوڭىراۋ شالۋ ارقىلى ءونىمنىڭ بار ەكەنىنە كوز جەتكىزىڭىز. دۇكەننىڭ مەكەنجايى مەن ورنالاسقان جەرىن كورسەتۋدى تالاپ ەتىڭىز. ەگەر بۇل الاياقتار بولسا، ولار ءتۇرلى سىلتاۋلارمەن تالاپتاردان باس تارتىپ، سەندىرۋ ءۇشىن گەولوكاتسيا جىبەرەدى، ءبىراق بۇل ىقتيمال الاياقتىڭ ايلاسى.
تولەم ادىستەرىن تەكسەرىڭىز. اقشانى جەكە شوتتارعا جىبەرمەڭىز.
جەكە دەرەكتەردى قاداعالاڭىز. ەشقاشان قۇپيا سوزدەردى، SMS-كودتاردى جانە كارتا دەرەكتەرىن بوگدە ادامدارعا بەرمەڭىز.
- مۇقيات بولىڭىز! ەگەر سىزدە كۇمان تۋىنداسا، اقپاراتتى تەكسەرىڭىز نەمەسە ساراپشىلارمەن كەڭەسىڭىز، - دەدى ءى ءى م.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى