ونلاين ساۋدا جاساۋشىلاردىڭ قۇقىعى قالاي قورعالىپ ءجۇر
ەلىمىزدە ونلاين ساۋدا جاسايتىن تۇتىنۋشىلاردىڭ قۇقىعى زاڭمەن قورعالادى، دەپ حابارلايدى Kazinform.
استانا قالاسىنىڭ ساۋدا جانە تۇتىنۋشىلار قۇقىعىن قورعاۋ دەپارتامەنتىنىڭ باسشىسى نۇرعالي ەگەمبەرديەۆتىڭ مالىمەتىنە سايكەس بيىل 9 ايدا ونلاين ساۋدا جاساۋشىلاردىڭ 600 ءوتىنىشى قارالىپ، رەسپۋبليكا بويىنشا 31 ميلليون تەڭگەدەن استام بۇزىلعان قۇقىق قالپىنا كەلتىرىلگەن.
«تۇتىنۋشىلار قۇقىعىن قورعاۋ تۋرالى» جاڭا زاڭ جوباسى شەڭبەرىندە ينتەرنەت- رەسۋرستار «ساۋدا وبەكتىلەرىنە» تەڭەستىرىلەدى. تيىسىنشە وفلاين ساتۋشىعا قويىلاتىن بارلىق تالاپ ونلاين ساتۋشىلارعا دا قولدانىلادى»، - دەدى نۇرعالي ەگەمبەرديەۆ قالالىق كوممۋنيكاتسيالار قىزمەتىندە وتكەن بريفينگتە.
دەپارتامەنت باسشىسىنىڭ ايتۋىنشا، تۇتىنۋشى قۇقىعىن قورعاۋ تۋرالى قولدانىستاعى زاڭعا سايكەس تۇتىنۋشى اقاۋلى تاۋاردى قايتارۋعا قۇقىلى، سونداي- اق ءوز تاڭداۋى بويىنشا ساتىپ الۋ باعاسىن پروپورتسيونالدى تومەندەتە الادى.
سونداي- اق، تاۋاردىڭ كەمشىلىكتەرىن جويۋدى، تاۋاردى ۇقساس ماركالى تاۋارعا (مودەلگە، ارتيكۋلعا) اۋىستىرۋدى، شارتتى بۇزۋدى جانە تاۋارعا تولەنگەن اقشالاي سومانى قايتارۋدى تالاپ ەتۋگە قۇقىلى.
