ون ايدا ۇلتتىق قورعا 3,6 تريلليون تەڭگە ءتۇسىپ، 3,7 تريلليون تەڭگە الىنعان
ون ايدىڭ ىشىندە ۇلتتىق قوردان بيۋدجەتكە دەپ الىنعان ترانسفەرتتەردىڭ كولەمى تۇسىمدەردەن ارتىپ كەتكەن. ۇلتتىق بانك ءتوراعاسىنىڭ ورىنباسارى دانيار ۆاگاپوۆ ۇكىمەت وتىرىسىندا وسىنداي دەرەك كەلتىردى، دەپ حابارلايدى Kazinform اگەنتتىگى.
«ۇلتتىق قوردىڭ اكتيۆتەرى جىل باسىنان 56,3 ميلليارد دوللارعا دەيىن، % 1,1 ءوستى. وعان ينۆەستيتسيالىق تابىستىڭ ارتۋى بىردەن- ءبىر سەبەپ بولدى. ول جىل باسىنان % 3,3 ارتىپ، 1,83 ميلليارد دوللارعا جەتتى. جىل باسىنان بەرى قورعا تۇسكەن تۇسىمدەردىڭ بارلىعى 3,6 تريلليون تەڭگە بولدى. ۇلتتىق قوردان رەسپۋبليكالىق بيۋدجەتكە بولىنگەن ترانسفەرتتەر 3,7 تريلليون بولدى»، - دەدى دانيار ۆاگاپوۆ.
سونداي- اق، ول جىل باسىنان بەرى تەڭگەنىڭ دوللارعا شاققانداعى باعامى 469,64 تەڭگەگە دەيىن، % 1,5 السىرەگەنىن، بۇل سىرتقى جانە ىشكى فاكتورعا بايلانىستى ەكەنىن اتاپ ءوتتى.
«بىرىنشىدەن، بۇل - دوللاردىڭ جاھاندىق نىعايۋى. وعان ا ق ش- تىڭ فەدەرالدى رەزەرۆتىك جۇيەسىنىڭ قاتاڭ اقشا- كرەديت ساياساتى اسەر ەتىپ وتىر. ەكىنشىدەن، يمپورتتاۋشىلار تاراپىنان ماۋسىمدىق سۇرانىستىڭ ارتۋى. وعان جوبالاردى ىسكە اسىرۋ جانە بيۋدجەت قاراجاتىن يگەرۋ تسيكلىنىڭ جاندانۋى مەن باسقا دا فاكتورلار ىقپال ەتۋدە»، - دەدى ۇلتتىق بانك ءتوراعاسىنىڭ ورىنباسارى.
اۆتور
ەسىمجان ناقتىباي
