ون ايدا 11 ميلليون جولاۋشى: قازاقستاندا قانشا پويىز بار؟
2023 -جىلدىڭ قاڭتار- قازان ايلارىندا «جولاۋشىلار تاسىمالى» ا ق پويىزدارىمەن 11 ميلليون استام جولاۋشى، قالا ماڭى قاتىناسىندا 1,9 ميلليون اسا جولاۋشى تاسىمالداندى، - دەپ حابارلايدى Tengritravel.kz ءتىلشىسى Rail-news.kz سايتىنا سىلتەمە جاساپ.
سونىمەن، ەڭ تانىمال باعىت - قاراعاندى - الماتى - 2 ميلليون جولاۋشى جانە استانا - شىمكەنت - الماتى - 2,5 ميلليون ادام بولعان.
اتىراۋ- اقتاۋ باعىتىن جارتى ميلليونعا جۋىق جولاۋشى پايدالاندى. پاۆلودار - قوستاناي ەلىنىڭ سولتۇستىك بولىگىندەگى ەكى ءىرى قالانى بايلانىستىراتىن مارشرۋت جىلىنا 590 مىڭعا جۋىق جولاۋشىعا قىزمەت كورسەتەدى.
ايتا كەتەيىك، جولاۋشىلار جازعى كەزەڭدە تەمىرجول كولىگىن كوپ پايدالانادى. وسى جازدا بارلىعى 4 ميلليون ادام نەمەسە تاسىمالداۋشىلاردىڭ جالپى سانىنىڭ 40 پايىز تاسىمالداندى. جازعى ۋاقىتتا جولاۋشىلار ءۇشىن تارتىمدى باعىتتار الماتى، اقتاۋ، استانا، تۇركىستان، شىمكەنت، بالقاش، الاكول باعىتتارى بولدى.
2023 -جىلى الاكول باعىتىندا 11 جولاۋشىلار پويىزى ءجۇردى، ونىڭ توعىزى - «جولاۋشىلار تاسىمالى» ا ق، ەكەۋى - جەكە تاسىمالداۋشىلار. بيىل العاش رەت ەلوردا تۇرعىندارى مەن قوناقتارىنا ىڭعايلى بولۋ ءۇشىن تالگو جايلى پويىزىمەن «استانا – دوستىق» جازعى باعىتى ۇيىمداستىرىلدى.
«بۇگىنگى تاڭدا قازاقستان بويىنشا 143 پويىز جۇرەدى، ونىڭ 105 ى «جولاۋشىلار تاسىمالى» ا ق، 28 ى جەكە تاسىمالداۋشىلارعا، 10 ى وزگە دە تەمىرجول اكىمشىلىكتەرىنە تيەسىلى. وسى ساننان 19 پويىز - «تالگو» ۆاگوندارى، قالعاندارى - ستاندارتتى ۆاگوندار»، - دەلىنگەن باسىلىم حابارلاماسىندا.
جولاۋشىلار انىقتامالىق اقپاراتتى «1433» تەگىن ءنومىرى جانە "KTZH_PP_BOT" تەلەگرامم بوتى ارقىلى الا الادى.
