ومبى قازاقتارى قازاقشا ديكتانت جازدى

بۇل ءىس-شارا العاش رەت ونلاين فورماتتا ۇيىمداستىرىلدى. ومبى قازاقتارى قازاقشا ديكتانت جازۋ ءىس-شاراسىن قاتارىنان ءۇش جىل بويى ۇيىمداستىرىپ كەلەدى. بيىل ءبىرىنشى رەت ونلاين فورماتتا ءوتتى. وعان تەك رەسەيلىك قازاقتار عانا ەمەس، تۇركيا مەن وزبەكستاننان دا قانداستار قاتىستى.

تورعىن اشەنوۆا، «ومبى قازاقتارى» گازەتىنىڭ باس رەداكتورى:

- قازاق بولامىن دەسەڭ، قازاق ءتىلىن ۇمىتپاۋىڭ كەرەك. بۇگىنگى مەرەكە وسى ءبىزدىڭ ءوزىمىزدىڭ قازاقتىعىمىزدى ۇمىتپاۋ ءۇشىن وتكىزىلىپ جاتىر.

كەيبىر ومبى مەكتەپتەرىندە قازاق ءتىلى فاكۋلتاتيۆتىك ءپان رەتىندە وقىتىلادى. بىلتىر جەرگىلىكتى بيلىك ومبى پەداگوگيكالىق ۋنيۆەرسيتەتىندە قازاق ءتىلى ءپانى مۇعالىمدەرىن دايارلاۋ باعدارلاماسى ىسكە قوسىلاتىنىن حابارلادى.

اسىلحان مۋحين، زەينەتكەر:

- مەن ەڭ ءبىرىنشى قالاي قاتىسامىن دەپ ويلادىم. قازاقشا جازباعالى، سويلەمەگەلى كوپ ۋاقىت ءوتتى. جولداسىم «ءوزىڭدى- ءوزىڭ تەكسەرىپ كەل، نەمەنەدەن قورقاسىن، قورقاتىن ۋاقىت ءوتتى» دەدى. سوسىن جارايدى، بارىپ كەلەيىن دەدىم. قازاقشا ءتورت كلاسس ءبىتىردىم. ونى بىتىرگەلى الپىس بەس جىل ءوتتى.

ومبىدا ديكتانت جازعانداردىڭ بارلىعىنا سەرتيفيكات پەن ەستەلىك سىيلىقتار تابىستالدى. ال ونلاين- ديكتانت 25 -اقپانعا دەيىن جالعاسادى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى