پوليتسەيلەر قىزمەتتىڭ كۇشەيتىلگەن نۇسقاسىنا اۋىستىرىلدى
قاراشانىڭ سوڭعى ون كۇندىگىندە پوليتسيا قىزمەتكەرلەرى قىزمەتتىڭ كۇشەيتىلگەن نۇسقاسىنا اۋىستىرىلدى.
ءى ءى م باسپا ءسوز قىزمەتىنىڭ مالىمەتىنشە، ساياجايلاردا، قۇرىلىس نىساندارىندا، بازارلاردا، شارۋا قوجالىقتارىندا، جالدامالى پاتەرلەردە، شالعاي جەرلەردە تەكسەرۋ جۇرگىزىلەدى. الكوگولدى ىشىمدىك ءىشۋ، قوعامدىق ورىنداردا ماس كۇيدە ءجۇرۋ، بەلگىلەنبەگەن جەرلەردە تەمەكى شەگۋ، ۇساق بۇزاقىلىق جاساۋ، ورتاق پايدالانۋ ورىندارىن لاستاۋ، تىنىشتىقتى بۇزۋ، وتباسىلىق-تۇرمىستىق قاتىناستار سالاسىنداعى قۇقىقبۇزۋشىلىقتارعا جول بەرۋ سىندى قۇقىقبۇزۋشىلىقتارعا «مۇلدە توزبەۋشىلىك» قاعيداتى قولدانىلادى.
قورعاۋ نۇسقاماسى شىعارىلعان، مىنەز-قۇلقىنا ەرەكشە تالاپتار قويىلعان، ءى ءى و ەسەبىنە الىنعان ادامدار، ماسكۇنەمدەر، ناشاقورلار، قولايسىز وتباسىلار اراسىندا قۇقىقبۇزۋشىلىقتاردىڭ الدىن الۋ بويىنشا رەيدتەر جۇرگىزىلەدى.
سونىمەن قاتار جول ءجۇرىسى قوزعالىسى ماسەلەسىنە باقىلاۋ كۇشەيتىلدى. ستيحيالىق قوقىس ورىندارىن جانە ولاردىڭ شىعۋ كوزدەرىن انىقتاۋ بويىنشا شارالار قابىلدانىپ جاتىر. ءىس-شارا جەرگىلىكتى اتقارۋشى ورگاندارمەن، AMANAT پارتياسىنىڭ وڭىرلىك فيليالدارىمەن، ۇكىمەتتىك ەمەس ۇيىمداردىڭ، جاستار قوزعالىستارىنىڭ جانە ب ا ق وكىلدەرىمەن ءوزارا ءىس-قيمىل اياسىندا وتكىزىلەدى.
وپەراتسيانىڭ نەگىزگى باعىتى - قوعامدىق ءتارتىپتى ساقتاۋدى جانە كوشەلەردەگى پروفيلاكتيكانى كۇشەيتۋ.
