پوليتسەيدىڭ ءسىزدىڭ جەكە كۋالىگىڭىزدى وزىمەن بىرگە الىپ كەتۋگە قۇقىعى بار ما - زاڭگەر جاۋابى
وسكەمەن- KAZINFORM - پوليتسيا قىزمەتكەرى ءسىزدىڭ جەكە كۋالىگىڭىزدى وزىمەن بىرگە الىپ كەتۋگە قۇقىعى بار- جوقتىعىن زاڭگەر الەكسەي باجكوۆ ايتىپ بەردى.
قۇقىق قورعاۋ ورگانىنىڭ قىزمەتكەرلەرى ازاماتتاردى ءتۇرلى سەبەپتەرمەن كوشەدە توقتاتىپ جاتادى. سول كەزدە جەكە كۋالىكتى سۇرايتىن كەزدەر دە بولادى.
ال ءتارتىپ ساقشىسىنىڭ ءسىزدىڭ جەكە كۋالىگىڭىزدى قايتارماي، وزىمەن بىرگە الىپ كەتۋگە قۇقىعى بار ما؟ وسى سۇراققا زاڭگەر الەكسەي باجكوۆ جاۋاپ بەردى.
- ق ر «ىشكى ىستەر ورگاندارى تۋرالى» زاڭنىڭ 6-بابىنا سايكەس، پوليتسەيلەر ءوز قۇزىرەتى شەگىندە ازاماتتاردىڭ جەكە باسىن كۋالاندىراتىن قۇجاتتارىن جانە تەكسەرۋ ءۇشىن قاجەتتى وزگە دە قۇجاتتاردى تەكسەرۋگە قۇقىلى. زاڭدا جەكە كۋالىكتى الىپ كەتۋ قۇقىعى قاراستىرىلماعان. ياعني، پوليتسەي ءسىزدىڭ كۋالىگىڭىزدى وزىمەن بىرگە الىپ كەتە المايدى،-دەيدى ول.
اۆتور
تالعاتجان مۇحامەتبەك ۇلى
