پوليتسيا تالعارداعى وقيعا ورنىنا نەشە مينۋتتا جەتتى - ۆەدومستۆو جاۋابى
استانا. KAZINFORM - تالعار قالاسىنداعى توبەلەس كەزىندە قىلمىس جاسالعاننان كەيىن عانا پوليتسياعا حابار كەلىپ تۇسكەن. بۇل تۋرالى ق ر ىشكى ىستەر ءمينيسترىنىڭ ءبىرىنشى ورىنباسارى باۋىرجان الەنوۆ ءمالىم ەتتى.
الماتى وبلىسىنىڭ وڭىرلىك كوممۋنيكاتسيالار قىزمەتىندەگى باسپا ءسوز ءماسليحاتىندا تىلشىلەر تالعار قالاسىنداعى توبەلەس 20 مينۋتقا سوزىلعانىن جانە وسى ۋاقىت ارالىعىندا پوليتسەيلەر قايدا بولعانى جايىندا سۇراق قويدى.
«توبەلەس كەزىندە پوليتسيانى ەشكىم شاقىرمادى ما؟ نەلىكتەن قۇقىق قورعاۋ ورگاندارىنىڭ قىزمەتكەرلەرى سول ۋاقىتتا بولماعان؟»، - دەپ سۇرادى ءتىلشى.
ءوز كەزەگىندە ب. الەنوۆ سول كۇنى قىلمىس جاسالعاننان كەيىن عانا پوليتسياعا حابار كەلىپ تۇسكەنىن ايتتى.
«پوليتسياعا تەلەفون شالعاننان كەيىن، قىزمەتكەرلەر بىردەن وقيعا ورنىنا اتتاندى، ياعني 8 مينۋتتان كەيىن جەتتى. اتاپ ايتقاندا، كوشەدەگى جانجالعا قاتىستى تولىق تەكسەرۋ جاساپ، ونىڭ قورىتىندىسى بويىنشا ءتيىستى باعاسىن بەرەمىز. ونىڭ ىشىندە پوليتسيانىڭ جۇمىسىنا دا توقتالامىز»، - دەدى ىشكى ىستەر ءمينيسترىنىڭ ءبىرىنشى ورىنباسارى.
