پوليتسيا ءىز-ءتۇزسىز جوعالعان وقىتۋشىنى الماتىعا بەت العان پويىزدان تاپتى
استانا. KAZINFORM - اقمولا پوليتسەيلەرى جوعالعان 21 جاستاعى كوكشەتاۋ تۇرعىنىن الماتى قالاسىنا بارا جاتقان پويىزدان تاپقان.
«22-ساۋىردە وبلىستىڭ اۋداندىق پوليتسيا بولىمدەرىنىڭ بىرىنە مەكتەپتە وقىتۋشىلىق پراكتيكادان وتكەن اقمولالىقتىڭ حابار-وشارسىز كەتكەنى تۋرالى حابارلامامەن جاس مۇعالىمنىڭ ارىپتەسى جۇگىندى. پوليتسەيلەر حابار-وشارسىز كەتكەندى ىزدەۋگە باعىتتالعان جەدەل-ىزدەستىرۋ ءىس-شارالارىنىڭ قاجەتتى كەشەنىن وتكىزدى»، - دەلىنگەن حابارلامادا.
قابىلدانعان شارالاردىڭ ناتيجەسىندە قىزدىڭ ورنالاسقان جەرى وڭتۇستىك استاناعا باراتىن جولاۋشىلار پويىزىندا انىقتالدى.
«قىز بولاشاق جۇبايىنىڭ اتا-اناسىنىڭ ۇيىنە قۇدالاردى جىبەرۋگە نيەتى تۋرالى حابار جەتكىزبەك بولعان. الايدا، اتا-اناسىنا اپاراتىن جولعا اسىعىپ بارا جاتىپ، ول پويىزدا بولعان كەزدە ارىپتەستەرىنە حابار بەرۋگە تىرىسقان، ءبىراق ول ۇيالى جەلىدەگى اقاۋلارعا بايلانىستى ەشكىممەن بايلانىسا الماعان»، - دەپ حابارلادى اقمولا پوليتسەيلەرى.
قىزعا قاتىستى ەشقانداي قىلمىس پەن قۇقىق بۇزۋشىلىق جاسالماعانى انىقتالدى.
