پوليتسيا ازاماتتاردى ۆانداليزممەن بىرگە كۇرەسۋگە شاقىرادى
استانا قالاسىنىڭ پوليتسيا دەپارتامەنتى ەلوردا كوشەلەرى مەن قوعامدىق ورىنداعى ءتارتىپتى قامتاماسىز ەتۋگە باعىتتالعان ءىس-شارالار كەشەنىن، ونىڭ ىشىندە ۆانداليزم اكتىلەرىنىڭ الدىن الۋ بويىنشا جۇمىستى جالعاستىرىپ جاتىر، دەپ حابارلايدى Polisia.kz.
مەملەكەت باسشىسى مەن ىشكى ىستەر مينيسترلىگى ەلدەگى تۇراقتىلىق پەن قوعامدىق ءتارتىپتىڭ ساقتالۋىنا ەرەكشە كوڭىل بولەدى. بيىل پرەزيدەنتتىڭ تاپسىرماسى بويىنشا ۆانداليزم اكتىلەرى، قوعامدىق جانە جەكە مۇلىكتى ءبۇلدىرۋ ارەكەتتەرى ءۇشىن جاۋاپكەرشىلىك كۇشەيتىلدى.
- جىل باسىنان بەرى ەلوردادا اكىمشىلىك كودەكستىڭ 147-1-بابى «بوتەننىڭ مۇلكىن قاساقانا جويۋ نەمەسە ءبۇلدىرۋ» بويىنشا پوليتسيا 120 اكىمشىلىك قۇقىق بۇزۋشىلىقتى انىقتادى. مىسالى، شايمەردەن قوسشىعۇل ۇلى كوشەسىندە ەر ادام شلاگباۋمدى قاسقانا ءبۇلدىردى. ول اكىمشىلىك جاۋاپكەرشىلىككە تارتىلدى. سوت شەشىمىمەن قالا تۇرعىنىنا ايىپپۇل سالىندى. ودان بولەك، جاقىندا عانا قالامىزدىڭ تاعى ءبىر تۇرعىنى بۇزاقىلىق نيەتپەن رەسپۋبليكا داڭعىلىنداعى اۆتوبۋس ايالداماسىنىڭ اينەگىن سىندىردى. قابىلدانعان شارالاردىڭ ناتيجەسىندە قۇقىق بۇزۋشى تەز ارادا انىقتالدى. قازىرگى ۋاقىتتا وسى فاكت بويىنشا قىلمىستىق كودەكستىڭ 293-بابىمەن «بۇزاقىلىق» سوتقا دەيىنگى تەرگەۋ جۇرگىزىلۋدە. ەر ادام ۋاقىتشا ۇستاۋ يزولياتورىنا قامالدى، - دەدى استانا قالاسى پ د باستىعىنىڭ ءبىرىنشى ورىنباسارى داۋرەن قازبەكوۆ.
سونىمەن قاتار ۇساق قۇقىق بۇزۋشىلىقتارعا مۇلدەم توزبەۋ قاعيداتىن ىسكە اسىرۋ شەڭبەرىندە جىل باسىنان بەرى قۇقىق بۇزۋشىلارعا قاتىستى 1244 حاتتاما تولتىرىلدى.
- قۇرمەتتى ازاماتتار! سىزدەردى قوعامدىق ءتارتىپتى ساقتاۋعا جانە قالا مۇلكىنە ۇقىپتى بولۋعا شاقىرامىز. كەز كەلگەن قۇقىق بۇزۋشىلىق انىقتالىپ، سوڭى جاۋاپكەرشىلىككە اكەلەتىنىن ۇمىتپاڭىزدار! ىشكى ءتارتىپ، زاڭعا جانە باسقا ادامداردىڭ قۇقىقتارىنا قۇرمەتپەن قاراۋ - بۇل قازاقستاندىق قوعام ۇمتىلۋعا ءتيىس نورمالار، - دەدى داۋرەن قازبەكوۆ.
