وليمپيادا ويىندارىنان 2028 -جىلعى بوكستى الىپ تاستاۋى مۇمكىن
استانا. قازاقپارات - بۇل ماڭىزدى شەشىم 2025 -جىلى قابىلدانباق. حالىقارالىق وليمپيادا كوميتەتىنىڭ پرەزيدەنتى توماس باح لوس-اندجەلەستە وتەتىن كەلەسى ويىنداردا بوكستىڭ وليمپيادالىق سپورت تۇرلەرىنىڭ تىزىمىنەن شىعارىلۋى مۇمكىن ەكەنىن ايتتى.
مالىمەتتەرگە سەنسەك، بۇل ماڭىزدى شەشىم 2025 -جىلى قابىلدانباق.
ناقتى ۋاقىتىن ايتا المايمىز، ءبىراق كەلەسى جىلى. بۇل تەزىرەك بولعانىن قالايمىز، مۇمكىندىگى بارىنشا جىلدىڭ العاشقى جارتىجىلدىعىندا بولسا دەيمىز. ودان ەرتە بولۋى ەكىتالاي، - دەدى ح و ك باسشىسى توماس باح.
ءدال وسى قاعيدا بويىنشا كاراتە ءۇش جىل بۇرىن وليمپيادا ويىندارىنان الىپ تاستالعان ەدى. ەگەر بوكس بولماسا، ونىڭ ورنىنا پاركۋر قوسىلۋى مۇمكىن.
