وليمپيادا چەمپيونى ەلدوس سمەتوۆ ءوز تاڭداۋىن جاسادى

ءوز تاڭداۋىن جاساعان سپورتشى ەلدوس سمەتوۆ ناۋقان تۋرالى پىكىرىمەن ءبولىستى.

- بارلىعى قازاقستاننىڭ بولاشاعى ءۇشىن داۋىس بەرۋدە. وسى ورايدا وتانداستارىمدى رەفەرەندۋمنان تىس قالماۋعا شاقىرامىن. مەن دە قاراپايىم قازاقتىڭ ءبىرىمىن. سوندىقتان ءوز تاڭداۋىمدى جاسادىم. ءار قازاقتىڭ بالاسى ەلدىڭ بولاشاعىنا بەي-جاي قاراماي، تاڭداۋىن جاساۋى كەرەك دەپ ويلايمىن، - دەدى تانىمال دزيۋدوشى.

ايتا كەتەيىك، جامبىل وبلىسىندا رەفەرەندۋمعا قاتىسۋعا ءتيىس جالپى سايلاۋشى سانى - 716680.

وبلىستىق رەفەرەندۋم كوميسسياسىنىڭ مالىمەتىنە سايكەس، وڭىردە 508 سايلاۋ ۋچاسكەسى جۇمىس ىستەپ تۇر. سونداي-اق رەفەرەندۋمعا اككرەديتتەلگەن رەسپۋبليكالىق 13 قوعامدىق بىرلەستىك جانە جەرگىلىكتى 4 قوعامدىق بىرلەستىكتەن بايقاۋشىلار قاتىسۋدا.

بۇدان بولەك، تىركەۋدە جوق ازاماتتاردى رەفەرەندۋم ۋچاسكەلەرىنىڭ مەكەنجايلارىنا تىركەۋ سەرۆيسى تاراز قالاسىنىڭ - 5 ۋچاسكەسىندە (№9، 28، 82، 496، 505) جۇمىس ىستەپ جاتىر. اتالعان ۋچاسكەلەر جوعارى جىلدامدىقتى ينتەرنەتپەن قامتىلعان.

ەسكە سالساق، بۇعان دەيىن ەلدوس سمەتوۆتىڭ وليمپياداداعى جەڭىسىنەن كەيىن الەمدىك رەيتينگىدە جوعارىلاعانىن جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى