ولىممەن اياقتالعان العاشقى كەزدەسۋ: سوتتالۋشىنىڭ ءىسى قايتا قارالدى

ول بۇعان دەيىن سوت ۇكىمىمەن ابايسىزدا ادام ولىمىنە اكەپ سوقتىرعانى ءۇشىن (ق ك- ءنىڭ 104-بابىنىڭ 1-بولىگى) كىنالى دەپ تانىلعان. سوتتالۋشىعا 2 جىل 6 ايعا باس بوستاندىعىنان ايىرۋ جازاسى تاعايىندالعان.

ءبىراق سوت پروتسەسىنە قاتىسۋشىلار بۇل شەشىمگە اپەللياتسيالىق شاعىم ءتۇسىردى. ءىس ماتەريالدارىن زەردەلەۋ بارىسىندا سوت القاسى 2023 -جىلدىڭ قازان ايىندا كافەدەن شىعۋ بارىسىندا تاكسيگە قاتىستى تۋىنداعان جانجال كەزىندە، سوتتالۋشى ت. جابىرلەنۋشى ك. -نى كۇشتەپ يتەرىپ جىبەرگەنىن انىقتادى. ناتيجەسىندە ك. ارىققا قۇلاپ، باسىنىڭ ارتقى جاعىمەن بەتون ارىعىنىڭ شەتىنە سوعىلىپ، العان جاراقاتىنان قايتىس بولعان.

«ءىس ماتەريالدارىن زەردەلەپ، كورسەتىلگەن ءمان-جايلاردى، سونداي-اق ساراپتامانىڭ قورىتىندىسىن ەسكەرە وتىرىپ، سوت القاسى بۇرىن شىعارىلعان ۇكىمنىڭ كۇشىن جويدى. القا قاۋلىسىمەن ت. ابايسىزدا ادامنىڭ ولىمىنە اكەپ سوقتىرعان دەنساۋلىققا قاساقانا اۋىر زيان كەلتىرگەنى ءۇشىن كىنالى دەپ تانىلدى (ق ك 106 - بابىنىڭ 3-تارماعى) جانە وعان 8 جىل مەرزىمگە باس بوستاندىعىنان ايىرۋ جازاسى تاعايىندالدى»، - دەپ حابارلادى قالالىق سوت.

قاۋلى زاڭدى كۇشىنە ەندى

ەسكە سالايىق، بۇعان دەيىن الماتىدا فيتنەس جاتتىقتىرۋشى اتىپ ولتىرگەن ازاماتقا سوت ۇكىمى شىققان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى