ولجاس بەكتەنوۆ سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترىن تانىستىردى
استانا. KAZINFORM - پرەمەر- مينيستر ولجاس بەكتەنوۆ ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ ۇجىمىنا مەملەكەت باسشىسىنىڭ جارلىعىمەن تاعايىندالعان ۆەدومستۆونىڭ جاڭا باسشىسى جاسلان ماديەۆتى تانىستىردى.
ولجاس بەكتەنوۆ جاڭا مينيسترگە ۆەدومستۆو الدىندا تۇرعان ماڭىزدى مىندەتتەردى بەلگىلەدى. جاساندى ينتەللەكت تەحنولوگيالارىن كەڭىنەن قولدانۋ، IT قىزمەتتەردىڭ ەكسپورتىن ۇلعايتۋ ماقساتىندا تابىستى ستارتاپتاردى دايىنداۋ ءۇشىن قولايلى ورتا قۇرۋ جۇمىسىن جالعاستىرۋ، سونداي- اق اقپاراتتىق قاۋىپسىزدىكتى قامتاماسىز ەتۋ شارالارىن كۇشەيتۋ تاپسىرىلدى.
ايتا كەتەيىك، بۇگىن مەملەكەت باسشىسىنىڭ جارلىعىمەن جاسلان ماديەۆ قازاقستان سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى لاۋازىمىنا تاعايىندالدى.
