ولجاس بەكتەنوۆ سالىق كودەكسىنىڭ جاڭا رەداكسياسىن 20-اقپانعا دەيىن ماجىلىسكە ەنگىزۋدى تاپسىردى
استانا. KAZINFORM - پرەمەر-مينيستر ولجاس بەكتەنوۆ ۇكىمەت وتىرىسىندا سالىق كودەكسىنىڭ جاڭا رەداكسياسىن 20-اقپانعا دەيىن ماجىلىسكە ەنگىزۋدى تاپسىردى.
اۋەلى پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى سەرىك جۇمانعارين قوسىلعان قۇن سالىعىن سارالاپ قالىپتاستىرۋداعى جاڭا ۇسىنىستاردى اتاپ شىقتى. سونداي-اق، ول ۇكىمەت سالىق كودەكسىنىڭ جاڭا رەداكتسياسىن تالقىلاۋ ءۇشىن 6 جۇمىس توبى قۇرىلعانىن، بۇگىننەن باستاپ وڭىرلەردى ارالايتىنىن ايتتى.
ۇكىمەت باسشىسى تالقىلاۋ جۇمىستارىنا ءوزى دە ارالاساتىنىن ءمالىم ەتتى.
- جالپى ۇسىنىستاردى قولدايمىز. وسى اپتادا وڭىرلەرگە بارىپ، حالىقتىڭ بارلىق ساناتىمەن ەگجەي-تەگجەيلى تالقىلاۋ كەرەك. مەن دە استانادا جانە وڭىرلەرگە بارىپ تالقىلاۋلار وتكىزەمىن. وسى جۇمىستىڭ ناتيجەسى بويىنشا سالىق كودەكسى مەن ىلەسپە زاڭداردىڭ جوبالارىنا تۇزەتۋلەردى 20-اقپانعا دەيىن ماجىلىسكە ەنگىزۋ كەرەك. ءارى قاراي ماجىلىستە تالقىلاۋدى جالعاستىرامىز، - دەدى ولجاس بەكتەنوۆ.
