ولجاس بەكتەنوۆ كوممۋنالدىق قىزمەت تاريفتەرى مەن باعالارىنىڭ نەگىزسىز ءوسۋىن باقىلاۋعا الۋدى تاپسىردى

- ينۆەستيتسيا مەن قوسىمشا قۇنى جوعارى وندىرىستەردى تارتۋ ءۇشىن دايىن ينفراقۇرىلىمنىڭ قولجەتىمدى بولۋىن قامتاماسىز ەتۋ ماڭىزدى. كوبىنەسە ونەركاسىپتىك الاڭدار قۇرىلعاننان كەيىن اكىمدىكتەر تاراپىنان قاجەتتى ينفراقۇرىلىمدى قارجىلاندىرۋعا جەتكىلىكتى كوڭىل بولىنبەيدى. ماسەلەن، ينفراقۇرىلىمدى ءوز قارجىسىنا جەتكىزۋ مۇمكىندىگى بار وڭىرلەر رەسپۋبليكالىق بيۋدجەتتەن قارجىلاندىرۋدى جىلداپ كۇتەدى. وسىعان بايلانىستى وڭىرلەر بيۋدجەتتى قالىپتاستىرۋ كەزىندە ونەركاسىپتىك الاڭداردىڭ ينفراقۇرىلىمىن سالۋعا قاراجاتتىڭ ءبولىنۋىن ەسكەرۋى قاجەت، - دەدى ۇكىمەت باسشىسى.

پرەمەر- مينيستر ەلەكتر ەنەرگياسىمەن، جىلۋمەن جانە سۋمەن جابدىقتاۋ جەلىلەرىنىڭ توزۋىن تومەندەتۋ بويىنشا اۋقىمدى جۇمىس اتقارىلىپ جاتقانىن باسا ايتتى.

- سالالىق مينيسترلىكتەر مەن وڭىرلەر «تاريفتى ينۆەستيتسياعا ايىرباستاۋ» باعدارلاماسىن ساپالى ىسكە اسىرۋدى قامتاماسىز ەتۋى قاجەت. سونداي- اق، تەڭدەستىرىلگەن تاريفتىك ساياساتتى جالعاستىرۋ ماڭىزدى، ويتكەنى ول باسقا دا تۇتىنۋ نارىقتارىنداعى باعانىڭ وسۋىنە اسەر ەتەدى. ۇلتتىق ەكونوميكا مينيسترلىگى مەن سالالىق مەملەكەتتىك ورگاندار ەكونوميكالىق جانە الەۋمەتتىك جاعىنان تەپە-تەڭدىكتى ساقتاي وتىرىپ، كوممۋنالدىق قىزمەت تاريفتەرى مەن باعالارىنىڭ نەگىزسىز ءوسۋىن باقىلاۋعا السىن. ينفلياتسياعا رەتتەلىپ كورسەتىلەتىن قىزمەت تاريفتەرى مەن باعالارىنان بولاتىن اسەردىڭ ەڭ تومەن ۇلەس سالماعىن ەكونوميكالىق ساياسات جونىندەگى كەڭەس بەلگىلەگەن دەڭگەيدە ساقتاۋدى تاپسىرامىن، - دەدى ول.

مارلان جيەمباي

اۆتور

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى