ولجاس بەكتەنوۆ Kazakh Invest ديرەكتورلار كەڭەسىنىڭ وتىرىسىن وتكىزدى
استانا. KAZINFORM - پرەمەر- مينيستر ولجاس بەكتەنوۆ «Kazakh Invest» ۇلتتىق كومپانياسى» ا ق ديرەكتورلار كەڭەسىنىڭ وتىرىسىن وتكىزدى. جۇرگىزىلىپ جاتقان جۇمىس قورىتىندىلارى جانە ۇلتتىق كومپانيانىڭ ەل ەكونوميكاسىنا ودان ءارى ينۆەستيتسيا تارتۋ جونىندەگى جوسپارلارى قارالدى.
«Kazakh Invest» ۇ ك» ا ق باسقارما ءتوراعاسى ەرجان ەلەكەيەۆ بيىل ورتالىق جانە جەرگىلىكتى مەملەكەتتىك ورگاندارمەن بىرلەسكەن جۇمىس ناتيجەسىندە 4,8 مىڭعا جۋىق جۇمىس ورنىن اشا وتىرىپ، قۇنى $1,1 ميللياردتى قۇرايتىن 22 ينۆەستيتسيالىق جوبا ىسكە قوسىلعانىن باياندادى. بۇگىنگى تاڭدا الماتى وبلىسىندا ۆولفرام كەندەرىن وڭدەۋ جانە الماتى قالاسىندا ىسىككە قارسى بىرەگەي پرەپاراتتار ءوندىرۋ كاسىپورىندارى جانە باسقا دا نىساندار اشىلدى.
سونىمەن قاتار 7 جوبا بويىنشا، ونىڭ ىشىندە جامبىل وبلىسىندا 1 گ ۆت جەس سالۋ، الماتى وبلىسىندا ءسۇت ونىمدەرىن ءوندىرۋ، شىمكەنت قالاسىندا جىلىجاي كەشەنىن سالۋ بويىنشا جالپى قۇنى جالپى $2,5 ميلليارد بولاتىن ينۆەستيتسيالىق كەلىسىمدەرگە قول قويىلدى.
قازاقستان ەكونوميكاسىنىڭ پەرسپەكتيۆالى سالالارىنا ينۆەستيتسيا تارتۋدىڭ ماقساتتى جاڭا ءتاسىلى ەنگىزىلدى. استىقتى تەرەڭ وڭدەۋ، كومىر حيمياسى، مۇناي حيمياسى جانە مۇناي- گاز جابدىقتارىن ءوندىرۋ سەكىلدى 4 باعىت انىقتالدى.
الداعى ءۇش جىلدا CHN Energy ،Carlsberg ،PepsiCo ،ULTRADECOR ،LASSELSBERGER GROUP سياقتى جانە باسقا دا كومپانيالارمەن بىرلەسە وتىرىپ، ءىرى جوبالاردى جۇزەگە اسىرۋ ءۇشىن $10 ميلليارد تارتۋ جوسپارلانىپ وتىر.
ينۆەستيسيالىق قىزمەتتى سيفرلاندىرۋ بويىنشا اقپارات تىڭدالدى. ينۆەستيسيالىق جوبالاردى بارلىق كەزەڭدەردە - ولاردى ىسكە قوسۋدان باستاپ پايدالانۋعا بەرۋ جانە ودان كەيىنگى ءۇش جىلدىق مونيتورينگىگە دەيىنگى سۇيەمەلدەۋدىڭ كەشەندى ەكوجۇيەسىن قۇرۋ بويىنشا جۇمىستار جۇرگىزىلىپ جاتىر. ينۆەستورلارمەن ءوزارا ءىس- قيمىل ء«بىر تەرەزە» قاعيداتى بويىنشا قۇرىلادى، سونىمەن بىرگە «جاسىل ءدالىز» جانە «پروكۋرورلىق سۇزگى» تەتىكتەرىنىڭ جۇمىسى قامتاماسىز ەتىلەدى.
وتىرىس قورىتىندىسى بويىنشا 2025 -جىلعا ارنالعان جۇمىس جوسپارى بەكىتىلدى.
