گولان جوتاسىندا وتاندىق «ارلان» اسكەري تەحنيكاسى سىناقتان وتەدى

«كونتينگەنت تەحنيكاسىنىڭ سانى - 26 دانا. ونىڭ ىشىندە 15 دانا «ارلان» جاۋىنگەرلىك دوڭگەلەكتى كولىكتەرى، 4 دانا «كاماز» اسكەري- تاسىمالداۋ كولىگى، 6 دانا وتىمدىلىگى جوعارى «تويوتا پيكاپ» كولىگى، 1 شاعىن اۆتوبۋس (تەك كونتينگەنتتىڭ ورنالاسۋ لاگەرىندە قولدانىلادى)»، - دەلىنگەن جاۋاپتا.

بۇعان دەيىن گولان جوتاسىنا بىتىمگەرلىك كونتينگەنت جولداۋ بيۋدجەتكە قانشا سالماق تۇسىرەتىنى ايتىلعان.

«اتالعان سوما - قازاقستان بىتىمگەرشىلىك كونتينگەنتىن قازاقستان اۋماعىنان ب ۇ ۇ- نىڭ گولان بيىكتىكتەرىندەگى ميسسياسىنا تاسىمالداۋ ءۇشىن بولىنەتىن قاراجات. وسى تاسىمالداۋدى ۇيىمداستىرۋعا قاتىستى ءارتۇرلى مۇمكىندىكتەردى ەسكەرە وتىرىپ (كومپانيانىڭ ۇسىناتىن قىزمەتتەرى، قولداناتىن ۇشاقتىڭ تۇرلەرى، شىعاتىن اۋەجايدىڭ ورنالاسۋى) 8 ميلليون ا ق ش دوللارىنا دەيىنگى قاراجات بولادى. كەلىسسوزدەر جۇرگىزىلىپ جاتىر، سوما ناقتىلانادى. بۇل سوما تولىعىمەن تاسىمالداۋعا جۇمسالاتىن بولادى»، - دەپ جازىلعان مينيسترلىك مالىمەتىندە.

ەسكە سالايىق، 19-قاڭتار كۇنى پارلامەنت قازاقستاندىق اسكەريلەردىڭ ب ۇ ۇ ميسسيالارىنا قاتىسۋ تۋرالى جولداۋىن ماقۇلدادى.

اتالعان ۇسىنىس بويىنشا، قازاقستاننىڭ تۇڭعىش دەربەس بىتىمگەرلىك كونتينگەنتى مىنا نىساندارعا:

• ءبىرىنشى - گولان جوتاسىندا ءبولىنۋ پروتسەستەرىن باقىلاۋ كۇشتەرىنە؛
• ەكىنشى - بىتىمگە كەلۋ شارتتارىنىڭ ورىندالۋىن بايقاۋ ورگانىنا؛
• ءۇشىنشى - وڭتۇستىك سۋدان رەسپۋبليكاسىنداعى ميسسياعا؛
• ءتورتىنشى - اۋەدەگى قاۋىپسىزدىكتى قامتاماسىز ەتۋ ۋاقىتشا كۇشتەرىنە قاتىسۋ ءۇشىن جالپى سانى 430 ادامنان اسپايتىن كونتينگەنتتى جىبەرۋ كوزدەلىپ وتىر.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى